Juan 4:18 - Cofán: Chiga Tevaen'jen

¹⁸ Cinco se tsa'ndupa qui ja'ño faesui'ccu tsa'ndumbeyi fae'ngae can'jen. Ñoa'me qui tansintsse afa'je.

Juan 4:18 Referans Kwoze

Marcos 10:12

Toya'caen pushesu tise tsa'nduma catipa faesuma tsa'ndu'ta tise'qque tsu egae tsincon.

Romanos 7:3

Toya'caen pushesuja tise tsa'ndu toya canse'ni faesu tsandiei'ccu can'jen'da egae tsu tsincon. Tsa'ma tise tsa'ndu pa'ninda tsa'ndui'ccuyi canseya'chove manda'choma pasapa egae tsincombe'yi tsu faesu tsandiema tsa'nduye osha.

Rut 4:10

Toya'caen qui caña'jen'fa ma'caen pa'cho Mahlón'ñe pushe, tsa Moab ande'su pushesuma, ña pusheye su'choma cuintsu tsa ande pa'cho Mahlón'ñe andea'caen jinchoye. Tsa'caen tsu tsoña'cho cuintsu tsa'ye inise toya'caen tsa'ye an'bian'choma'qque aqque'pambe can'faye.

Génesis 34:31

Tsa'ma dutssiyendeccuja su'fa: —¿Ñotssi ti tiseja ingi antianma tsa'caen tisu ai'voi'ccu gana'su pushesuma'caen tsoñe?

Génesis 34:2

Tsa'caen jasi Hamor dutssi'ye, Siquem, tisema atte. Tsa Hamorja, heveo'su a'i tsu tsa canqque na'su. Siquemjan Dinama attepa cunshangopa indipa tisei'ccu ccuipa egae tson.

Génesis 20:3

Tsa'ma tsa'caen tsomba cosesi Abimelecja anamba ayo'o. Ayo'osi Chiga tisenga attiamba su: “Queja paye qui tson'jen. Nane que i'cho pushesuja faesumbe pushe tsu.”

Hebreo'su 13:4

Tsandieja pusheye tsu ñotssi. Pushesu'qque tsa'nduye tsu ñotssi. Tsa'caen antte'fasi egave in'jan'fajama. Tsa'ma majan pushe'ta, majan tsa'ndu'ta ñotsse in'jamba tisenga antte'choi'ccuyi tsu can'jeña'cho. Faesui'ccu can'jen'fajama. Majan tise pushe, tise tsa'nduma catipa faesui'ccu in'jangae can'jen'nijan Chiga Quitsa tsu tsambe injama'choma somboeña.

Juan 4:17

Pushesuja su: —Tsa'nduve mecho gi. Qquen susi Jesúsja su: —Tansintsse qui su tsa'nduve mecho.

Juan 4:19

Tsa'caen susi pañamba pushesuja su: —Na'su, queja ñoa'me Chiga Aya'fama afa'su qquen gi in'jan.

Juan 4:16

Jesúsja su: —Japa ttusengaja que tsa'nduma. Tsomba vani ji'faja.