Juan 16:17 - Cofán: Chiga Tevaen'jen

¹⁷ Tsa'caen susi majan ingi tisema shondosundeccuja tisupapora iñajampañacco'fa: —¿Jongoe qquen tsu suye in'jan “re'ricco tsu shaca tisema atte'faya'bi”? ¿“Re'riccoe attembi'ngapa qui ccase tisema atte'faya”? ¿Toya'caen “tise Yayani jasi”?

Juan 16:17 Referans Kwoze

Juan 16:16

Re'ricco tsu shaca que'i ñama atte'faya'bi. Tsa'ma re'riccoe attembi'ngapa qui ccase ñama atte'faya.

Juan 16:5

Tsa'ma ja'ño ñama moen'suni jayipa gi tsama conda'je. Toya'caen majan que'i'yi'qque ñama iñajampaña'fambi qui mani ña jaya'chove.

Marcos 9:32

Tsa'ma tise'paja jongoesu qquen su'chove atesu'fambi. Tsa'camba Jesúsma ti'tsse iñajampañañe dyojo'fa.

Juan 16:19

Jesúsja ingi iñajampañañe in'jan'choma atesupa qquen su: —¿Jongoe qquen qui tisupapora iñajampañacco'fa ña qquen su'chone: “Re'ricco shaca que'i ñama atte'faya'bi. Re'riccoe attembi'ngapa ccase qui ñama atte'faya” qquen susi?

Juan 14:5

Tsa'ma Tomás Jesúsma iñajampaña: —Na'su, mani qui queta jaya atesu'fambi gi. ¿Ma'caen gi atesu'faya maningae jaya'chove?

Juan 12:16

Méttia'ye ingi Jesúsma shondosundeccu vama ñotsse paña'fambi. Tsa'ma Jesús sefacconi ansundesi gi va tisene tevaensi tsa'caen tson'choma in'jan'fa.

Lucas 18:34

Tsa'caen Jesús su'choma paña'ma shondosundeccuja atesu'fambi. Nane injama'cho shacapa ñotsse paña'fambi.

Marcos 9:10

Tsa'caen mandasi condambeyi can'fa. Tsa'ma tisupayi iñajampañacco'fa Jesús su'chone “papa ccase qquendyaya” qquen susi.

Juan 16:1

Quei'ccu voe condase que'i qque'fasa'ne.

Juan 14:22

Tsonsi tsa faesu Judas (Iscariotembi) Jesúsnga su: —Na'su, ¿micomba qui ingingayi tisuma attiamba queve in'jambi'chondeqquiangaja attiaña'bi?

Lucas 9:45

Jesús tsa'caen tisune condasesi paña'ma atesu'fambi. Nane ccaningae in'jamba ñoa'me su'choma atesuye osha'fambi. Toya'caen dyojopa tise su'chone Jesúsma iñajampaña'fambi.

Juan 16:18

¿Jongoe qquen tsu suye in'jan “re'ricco tsu shaca” qquen supa? Ingija atesu'fambi gi tise su'choma.