Juan 15:25 - Cofán: Chiga Tevaen'jen

²⁵ Tsa'ma tsa'caen tsu tson'jen'fa Chiga suqquia'caen tsoñe. Nane tayo tsu tevaen israendeccu manda'chonga Chiga qquen su'choma: “Injanga tsu ñama chi'ga'fa.”

Juan 15:25 Referans Kwoze

Salmos 109:3

Shoquendiqquia'caen aya'fa egae su'choi'ccu ñama ttu'fa. ¡In'jambe'yi injanga ñai'ccu iyicco'fa!

Salmos 69:4

Tsain'bio a'i injanga ñama chi'ga'fa. Nane ña tsove'su tosema agatto'choma ti'tsse'o a'i tsu. Ñama iyiccayesundeccuja injanga ñama sefaeñe in'jan'fa. Cca'nambi'choama toequi afeya'cho qquen mandapa quin'sui'ccu itsa'fa.

Salmos 35:19

Anttejama ñama iyiccayesundeccu avujatssi'faye. Anttejama ñama injanga chi'gasundeccu ñai'ccu feña'faye.

Lucas 24:44

Tsomba Jesúsja tise'pama su: —Ña toya que'i'ccu can'jeinte gi ja'ño tsoña'chone conda'a. Nane Moisés manda'cho, Chiga Aya'fama afasundeccu tevaen'jen, settapoen'cho tevaen'jen'qque ñama tsoña'chone condase'fa. Tsa tayoe ña que'inga condase'choma tsu ja'ño tson'fa.

2 Corinto'su 11:7

Que'ini jipa gi tisuja bove'ccoe da que'ima ti'tsse'tssia've tsoñe. ¿Tsa'caen tson'da ti gi egae tsincon? ¿Ñajan corifin'dima iñajambe'yi Chigambe ñotsse condase'choma que'inga condase'ta ti gi egae tsincon?

Canjaen'cho 21:6

Omboe tsu ccase su: —Tayo tsu nani. Ña gi Ashaen'su. Ña gi Nani'su. Majan tsaqquie'su'ninda gi corifin'dive iñajambe'yi cansiaña'cho tsa'ccu sombo'je'choma cui'ñaña.

Canjaen'cho 22:17

Chiga Qquendya'pa, Ovejambe pushe'qque tsu su'fa: —¡Jija! Poiyi'cco pañasundeccu'qque tsu su'fa: —¡Jija! Nane poiyi'cco majan tsa'qquie'su'ta tsu jiya'cho. Majan in'jan'da tsu Cansiaña'cho Tsa'ccuma cu'iya'cho. Aqquia afe'cho tsu.

2 Tesalónica'su 3:8

Injanga afepoembe'yi faesumbe cui'ccuma cu'i'fambi gi. Tsa'ma poi a'ta, poi cose gi vanamba sema'fa que'ima panshaen noñangiansa'ne.

Galacia'su 2:21

Chiga tsa'caen ñanga ñotsse tsonsi in'jambi gi tise ñotsse tson'choma chi'gaye. Nane manda'choma pañamba ccushaya'cho jinchoecan'da ñoa'me tsu Cristoja aqquia paye'can. Tsa'ma tsa'cambi tsu.

Romanos 3:24

Tsa'ma Jesucristo a'i egae tsincon'cho shacama afepoensi a'ija afepoembe'yi ño'ame da'fa. Nane Chigaja a'ima in'jamba va ccushaen'choma tise'panga aqquia afe.

Romanos 3:19

In'jan'fa gi Chigaja Tise manda'choma conda israendeccunga tise'pa egae tsincon'choma canjaeñe. Tsa'caen canjaensi tsu Chiga tise'pa injama'choma somboeña'chove atesu'faya. Nane poi ande'su aindeccu'qque tsu tisupa egae tsincon'cho shacama atesupa ziya'faya. Chigaja poimbe injama'choma somboeña.

Juan 10:34

Tsonsi Jesúsja su: —Qquen tsu Chiga su'choma que'i manda'cho tevaen'jenga tevaen'cho: “Que'ija Chiga'can'fa qui.”

Juan 19:36

Nane tsa'caen tsu Chiga Tevaen'jen suqquia'caen tson'fa qquen su'choma: “Ni fae tsu'ttaveyi'qque ucca'faya'bi tsu.”

Mateo 10:8

Toya'caen pajisundeccuma ccushaen'faja. Pa'chondeccuma ccase qquendyaen'faja. Na congomba pajisundeccuma giya'tsse ccushaen'faja. Cocoyama'qque joqquitssian'faja. Chiga aqquia afeqquiacaen que'ima tsa'caen oshaensi jongoesuma iñajambe'yi tsu aqquia afeqquia'caen tsoña'cho.

Juan 13:18

Que'i poiyi'ccone'da afa'jembi gi. Nane ña in'jamba ttu'se'chondeccu injama'choma gi atesu. Tsa'ma Chiga Tevaen'jen suqquia'caen tsu junde tsoña: “Ñai'ccu fae'ngae an'su tsu ñama chi'gapa afeya.”