Juan 13:18 - Cofán: Chiga Tevaen'jen

¹⁸ Que'i poiyi'ccone'da afa'jembi gi. Nane ña in'jamba ttu'se'chondeccu injama'choma gi atesu. Tsa'ma Chiga Tevaen'jen suqquia'caen tsu junde tsoña: “Ñai'ccu fae'ngae an'su tsu ñama chi'gapa afeya.”

Juan 13:18 Referans Kwoze

Salmos 41:9

Ñoa'me ña in'jan'cho, ñai'ccu fae'ngae an'su, tsu ñama chi'gapa afeya.

Mateo 26:23

Tsonsi Jesúsja su: —Ñai'ccu fa'e apisho'ttongayi an'su tsu ñama afeye tson'jen.

Juan 17:12

Ñajan tsendeccui'ccu va andeni can'jemba gi tise'pama coira. Que ñama fuitesi gi que in'jaensi ñai'ccu jacansundeccuma ñotsse an'bian. Majañi'qque qque'fambi tsu. Tsa'ma fa'e, tsa “tayo qque'su” tsu qque, Chiga Tevaen'jen suqquia'caen tsoñe.

Marcos 14:20

Qquen su'fasi Jesúsja su: —Ñai'ccu fa'e apisho'ttongayi panma tssipoemba an'su tsu ñama afeye tson'jen.

Juan 13:26

Qquen iñajampañasi Jesúsja su: —Va panma tssipoemba majanga ña afe'nijan tsaya tsu. Tsa'caen supa Jesúsja panma tssutssiamba Simón Iscariote dutssi'ye Judasnga afe.

Juan 6:70

Tsonsi Jesúsja su: —Ñajan que'ima doce a'ive ttu'se'a. Tsa'ma que'i'su fae'ccota tsu cocoya.

Juan 15:19

Ñame in'jambindeqquiaja tisupanaccuma in'jan'fa. Que'i'qque tise'pa'ca'mecan'da tsu que'ima'qque in'jan'faye'can. Ñajan que'ima ttu'sepa tsendeccu'ye somboen. Tsa'cansi tise'paja que'ima chi'ga'fa tise'pa'caen in'jan'fambisi.

Hebreo'su 4:13

Nane Tisenga gi pa'cco ingi tson'chone tansintsse condase'faya'cho. Tiseja poiyi'cco Tise agattoensi jincho'choma atesuchopa caña'jen'nijan ¿ma'caen gi a'tu'faya? Nane Tisenejan osha'cho tsu chu'cco ccuiqquia'caen a'tatsse attian'fa.

Juan 15:16

Que'ija ñama ttu'se'fambi. Tsa'ma ñajan que'ima ttuse'su. Tsa'caen ttu'sepa gi que'ima manda quini'cco ñotsse naqquia'caen ña in'jan'chove tson'faye. Que'i tson'choja tsangae tsu jinchoya. Tsa'caen ñame in'jamba cansepa jongoesuve qui Chiga Quitsama iñajan'ninda Tise tsu afeya.

Mateo 10:36

Nane a'i ñame in'jansi tisema ti'tsse iyiccaye'suja tisu tsaoni tsu can'jen.

Canjaen'cho 2:23

Toya'caen Jezabel dushundeccuma gi fi'ttiya. Tsa'caen tsonsi poiyi'cco ñame in'jamba bo'fa'chondeccu tsu ti'tsse ñane in'jan'faya. Nane ñajan a'i injama'cho tsosipie in'jan'choma injan'su qquen tsu in'jan'faya. Ñajan tsa'caen pa'tssima in'jamba gi tise'pa ma'caen tsonqquia'caen tise'panga afepoemba vanaeña.

Juan 21:17

Tsomba ccase, tercera se iñajampaña: —Simón, Jonás dutssi'ye, ¿aqquia ti qui ñama in'jan? Pedroja ñombi'ye, ja'ño tres se iñajampaña'ba “¿Aqquia ti qui ñama in'jan?” qquen iñajampañasi. Ñombi'yepa su: —Na'su, que qui pa'ccoma atesucho. Que qui atesu ña quema in'jan'choma. Tsonsi Jesúsja su: —Tsa'caenda ña a'ima atesianjan ovejama'caen.

2 Corinto'su 4:5

Ingija tisune condase'fambi gi. Tsa'ma Jesucristo ingi Na'sune gi condase'fa. Ingija que'ima fuitesundeccu gi. Nane Jesús ingima ccushaensi avujatsse gi que'ima fuite'fa.

Mateo 26:21

An'jen'fa'ni Jesúsja su: —Ñoa'me gi su, fa'e que'i'suyi tsu ñama chi'gapa cca'indeccunga afeya.

Marcos 14:17

Tayo cose jisi Jesús tisema doce shondosundeccui'ccu ji.

Marcos 14:18

Tsomba mesani piyive ccuipa an'jemba Jesúsja su: —Ñoa'me gi su, fa'e que'i'suyi ñai'ccu fae'ngae an'jen'cho, tsa tsu ñama chi'gapa cca'indeccunga afeya.

Lucas 22:21

Tsa'ma que can'faja ñama chi'gapa afe'su tsu fae'ngae va mesani ñai'ccu an'jen.

Juan 13:21

Jesúsja tsa'caen supa tise injama'cho tsosipie ñombi'yepa a'tatsse conda: —Ñoa'me gi su, que'i'suyi tsu ñama chi'gapa afe'su.

Juan 13:22

Qquen susi ingija poiyi'cco tisupapora camboencco'fa atesumbipa majane tise afa'je'chove.

Juan 15:25

Tsa'ma tsa'caen tsu tson'jen'fa Chiga suqquia'caen tsoñe. Nane tayo tsu tevaen israendeccu manda'chonga Chiga qquen su'choma: “Injanga tsu ñama chi'ga'fa.”

Juan 18:32

Tsa'caen tsu su'fa Jesús suqquia'caen tsoñe. Nane Jesúsja tayoe su tiseja avuja'cconga paya'cho.

Juan 19:24

Chittaye in'jambipa sundarondeccuja tisupapora su'fa: —Bove ñotsse jinge chittambe'yi co'fepa atesuye majan tsu gana'me'se. Tsa'caen tsu tson'fa Chiga Tevaen'jen qquen suqquia'caen: “Tisupapora co'fe ganamba ña ondiccu'je'cho sarupama attufaencco'fa.” Sundarondeccu tsa'caen tson'jen'ni

Juan 19:36

Nane tsa'caen tsu Chiga Tevaen'jen suqquia'caen tson'fa qquen su'choma: “Ni fae tsu'ttaveyi'qque ucca'faya'bi tsu.”

Tson'fa'cho 1:2

Nane tseyi ashaemba Jesús sefacconi jaya'ngae gi tevaen. Toya sefacconi jambite Chiga Qquendya'pa tisema in'jaensi Jesúsja tisene afasundeccuma ttu'sepa condasepa manda.

Tson'fa'cho 1:16

—Faengasundeccu, Chiga Tevaen'jen suqquia'caen tsu tsoña'cho. Nane Chiga Qquendya'pa tayopi'su Davidma afaensi tsu Judasne afa. Nane Judas'ye tsu Jesúsma indipa afe'su.