Juan 11:53 - Cofán: Chiga Tevaen'jen

⁵³ Caifás tsa'caen susi tsequi a'ta ashaemba israe'su nasundeccuja condasecco'fa ma'caen Jesúsma fi'ttiya'chove.

Juan 11:53 Referans Kwoze

Tson'fa'cho 9:23

Bo'tsse candusian can'jensi poiyi'cco israendeccu fae'be injama'choa'caeñi in'jamba Sauloma fi'ttiye in'jan'fa.

Tson'fa'cho 5:33

Qquen susi nasundeccuja ñoa'me iyicca'yepa tise'pama fi'ttiye in'jan'fa.

Juan 12:10

Lázarone pañamba tsain'bio a'i tise'pa israe'su in'jan'choma catipa Jesúsve in'jan'fa. Tsa'cansi Chigama afa'su nasundeccuja condasecco'fa ma'caen Lázaroma'qque fi'ttiya'chove.

Juan 11:47

Tsonsi Chigama afa'su nasundeccu, fariseondeccu'qque bopa su'fa: —¿Ma'caen gi tson'faya? Va a'ija ñoa'me ñotssiama tsu canjaen'jen.

Marcos 14:1

Toya tsu dos a'ta shaca Chiga panshaensi injienge'cho fiestama panshaeñe. Tsa fiestangaja pan cupana'ccove mechoama an'fa. Tsequi a'ta Chigama afa'su nasundeccu, Chiga manda'choma atesiansundeccui'ccu bopa ttatta'fa ma'caen Jesúsma afopoemba indipa fi'ttiya'chove.

Marcos 3:6

Tsonsi fariseondeccu sombopa na'su Herodes aindeccui'ccu condasecco'fa ma'caen Jesúsma osha'ta fi'ttiye.

Mateo 26:59

Tsonsi Chigama afa'su nasundeccu, israe'su coenzandeccu bo'fa'cho'qque ma'caen Jesúsma afopoeña'chove ttatta'fa cuintsu Jesúsja tsesuma shacaen qquen supa tisema fi'ttiye mandaye.

Mateo 22:46

Qquen iñajampañasi pañasundeccu jongoesu qquen suye in'jambipa afaye osha'fambi. Tsequi a'tangayi Jesúsma iñajansepoemba dyopa tsangae antte'fa.

Mateo 16:21

Tsequi a'ta ashaemba Jesúsja tisema shondosundeccunga jai'ngae tsoña'chone conda. Tiseja Jerusaléni japa osha'chove tsu vanaña. Israe'su coenzandeccu, Chigama afa'su nasundeccu, Chiga manda'choma atesiansundeccu'qque tisema indipa fi'ttiye afe'faya. Fi'ttisi tsu papa tres a'tagae ccase qquendyaya.

Jeremías 38:15

Jeremíasja pañamba su: —Que iñajampaña'choma tansintsse condase'ninda qui, Que Ti'tsse'tssia, ñama fi'ttiye mandaya. Toya'caen ña que ma'caen tsoña'chove condase'ni'qque qui ñama pañaña'bi.

Jeremías 38:4

Tsonsi Jeremíasma pañasundeccuja na'su Sedequíasnga su'fa: —Va a'imajan fi'ttiya'cho. Nane tise aya'fai'ccu tsu va canqqueni toya canjen'su sundarondeccumbe injama'choma chapiamba aindeccumbe injama'choma'qque chapian'jen. Ingima fuitembipa aqquia daño'su tsu.

Salmos 2:2

Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Na'su Chigai'ccu iyiccoye. Tise in'jan'cho na'suma'qque tsu iyicca'ye'fa.

Génesis 37:18

Tsendeccuja toya biane jiña'choma attepa toya tise catsembi'te tisema fi'ttiya'chove in'jamba ñoña'fa.

Mateo 12:14

Jesús tsa'caen ñotsse ccushaensi fariseondeccuja sombopa iyicca'yepa condasecco'fa ma'caen Jesúsma fi'ttiye.

Mateo 26:4

Na'su tsaofa'su atandundunga bopa ma'caen a'tutsse Jesúsma indipa fi'ttiya'chove condasecco'fa.

Juan 7:1

Tsomba tse'i Jesúsja Galileani jacan. Nane Judea'su israendeccu tisema fi'ttiye in'jan'fasi Judeani jacañe in'jambi.