Juan 11:44 - Cofán: Chiga Tevaen'jen

⁴⁴ Tse'i pa'choja sombo tsu'tte, tivema sarupafai'ccu findi'fa'cho; tsoveju'qque pañeroi'ccu oppoen'cho. Jesúsja su: —Ccupa'faja cuintsu jaye.

Juan 11:44 Referans Kwoze

Juan 5:25

Ñoa'me gi su: Tayo tsu napiji paya'chondeccu Chiga Dutssi'ye aya'fama paña'faya'cho. Nane ja'ño tsu paña'jen'fa. Majan paña'da tsu canse'faya.

Juan 20:7

Jesús tsovema onccan'cho pañeroma'qque atte cca'ttinga ompangoemba cuiña'choma.

Filipo'su 3:21

Tiseja osha'choma oshapa pa'tssima mandaye osha. Tsa'camba tsu tise jipa ingi ai'vo qque'choma Tise ñotssia ai'voacan'me cambiaña.

Juan 10:30

Ña, ña Yaya gi fae'ccoyi'fa.

Juan 5:21

Nane ña Yaya pa'chondeccuma qquendyaemba cansianqquia'caen Dutssi'ye'qque gi majame in'jan'da tsa'caen cansiaña cuintsu pambe canseye.

Lucas 7:15

Qquen susi pa'choja jangi dyaipa afaye ashaen. Tsonsi Jesús tisema fuite cuintsu tise mamani jaye.

Génesis 1:3

Tsa'caen ñoñamba Chigaja su: “A'tatssia've daja.” Chiga tsa'caen su'ninda pa'cco a'tatssia've da.

Canjaen'cho 1:18

Cansian'su gi. Papa gi ccase qquendya. Qquendyapa tsangae gi canse. Nane pa'chombe na'suma patsupa gi na'suve da. Pa'chondeccu can'jen'ttima fetta'je'cho yavema itsapa gi an'bian.

Juan 19:40

Joséja Nicodemoi'ccu Jesús ai'voma isupa echhoen'cho ñome'bai'ccu sarupama ño'miamba findi'fa. Tsa'caen tsu israendeccuja pa'choma a'tuye atesu'fa.

Marcos 5:43

Tsa'ma Jesús tise'pama iyu'upa su: —Majangayi'qque conda'fajama. Tsa'caen supa du'shuma o'fian'faye manda.

Juan 20:5

Ca'nimbe'yi ppoicamba gi Jesúsma findipa a'tu'cho sarupa ma'caen findipa a'tu'choja toengatssi cui'choma atte.

Juan 11:39

Jesúsja su: —Joqquitssian'faja patuma. Marta, pa'chombe sheshe'yeja su: —Na'su, tayo tssu'jutssiya tsu. Cuatro a'ta tsu tise pa'choja.

Lucas 19:20

Tsonsi faesuja jipa su: “Na'su, va'tti tsu que mil corifin'di. Pañeronga onccamba gi coira.

Juan 11:43

Tsa'caen supa quia'me fundopa afa: —Lázaro, tse'ttie somboja: