Juan 1:41 - Cofán: Chiga Tevaen'jen

⁴¹ Tse'faei'ccuyi tise quindya Simónma tta'ttapa attepa su: —Mesíasma gi atte'fa. (Chiga moen'cho Cristo qquen su'cho tise'pa aya'fangae.)

Juan 1:41 Referans Kwoze

Juan 4:25

Tsonsi pushesuja su: —Atesu gi Mesías jiya'chove –tsa Cristo qquen su'cho. Tise jipa tsu tansintsse osha'choma inginga condaya.

Juan 1:45

Tsonsi Felipe Natanaelma tta'tta'su japa attepa su: —Tayo gi atte'fa a'ima majan'ne Moisés tayopi tevaen manda'cho tevaen'jenga. Tisene tsu Chiga Aya'fama afasundeccu'qque tevaen'fa. Jesús tsu, Nasaret canqque'su, tsa José dutssi'ye.

Salmos 89:20

¡Attepa gi ttu'se ñama shondo'su Davidma! Ttu'sepa gi ña ñotssia aseitei'ccu tise tsovenga fiñamba na'suve tson.

Tson'fa'cho 10:38

Toya'caen qui paña'fa ma'caen Chiga Quitsaja Tise Qquendya'pai'ccu Jesús Nasareno'suma in'jaensi tiseja ñotsse tsoñe jacamba poiyi'cco cocoya na'su vanaen'jendeccuma ccushaen. Chiga tisei'ccu can'jensi Jesúsja tsa'caen tson.

Lucas 2:38

Simeón toya José, Maríai'ccu condase'je'ni Ana'qque jipa cachui. Cachuipa du'shuma attepa Chigama ñotsse afapa du'shu Jesúsne Jerusalensundeccunga condaseye ashaen. Condasesi majan Chiga ccushaeña'chove ronda'je'chondeccuja ñotsse paña'fa.

Lucas 2:17

Du'shuma attepa du'shune tise'panga condase'choma condase'fa.

Tson'fa'cho 4:27

Ñoa'me tsu va canqqueni Na'su Herodes, Governaror Poncio Pilato'qque, israembindeqquia, israendeccu'qque bopa quembe ño'a Dutssi'ye Jesúsma iyicca'ye'fa.

Isaías 61:1

Na'suja tisumbeve ñama ttu'sesi tise Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Nane picco'je'ttima fettasi jaya'chone gi condaseya.

Isaías 11:2

Na'su Chiga Qquendya'pa tsu tisei'ccu tsangae can'jemba in'jaeña cuintsu osha'choma atesupa in'jañe. Qquendya'pa can'jensi tiseja cca'ima ñotsse in'jaemba tansintsse mandapa Na'su Chigama ñotsse in'jamba dyoe'sui'ccuyi paña'jeña.

Salmos 45:7

Ñotssiaveyi in'jamba qui egama chi'ga. Tsa'cansi Chiga Quitsa, que Chigaja, quema aseitei'ccu fetipa na'suve ccutsiansi qui queja poiyi'cco nasundeccuma ti'tsse avujatssi.

Salmos 2:2

Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Na'su Chigai'ccu iyiccoye. Tise in'jan'cho na'suma'qque tsu iyicca'ye'fa.

1 Juan 1:3

Tsa'cansi ingi atte'choma, ingi paña'choma gi que'inga tevaen'fa cuintsu que'i'qque ingi'ccu fae'ngae jincho'faye. Nane ingija fae'ngae jincho'fa Chiga Quitsai'ccu, Tise Dutssi'ye Jesucristoi'ccu'qque.

Mateo 1:23

Toya tsandiei'ccu cansembi'choa pushesu tsu surie dapa tsandie du'shuve isuya. Du'shumbe iniseja Emanuelya tsu. Chiga ingi'ccu can'jen, qquen tsu suye in'jan.