Juan 1:15 - Cofán: Chiga Tevaen'jen

¹⁵ Nane Juanjan tisene condasepa su: —Va tsu ña condase'cho a'i, ña qquen su'choja: Ñama omba'su a'i tsu ñama ti'tsse'tssia. Ñame meinte tiseja can'jen.

Juan 1:15 Referans Kwoze

Mateo 3:11

Que'i egae tsincon'choma chi'gapa catiye in'jansi gi tsa'ccui'ccu que'ima feti'je. Tsa'ma ñama ti'tsse'tssia tsu jiña. Ñajan utu'ccoa. Shaca gi tise sapatoma anga'suve ca'niñe. Tise jipa tsu Chiga Qquendya'pai'ccu que'ima fetiya. Tsambi'ta si'ngei'ccu fetiqquia'caen tsu injama'choma somboeña.

Colosa'su 1:17

Jesúsja osha'chove toya meinte can'jemba osha'choma ja'ño angacan injanga dañonge'fasa'ne.

Juan 17:5

Tayopi, va ande meinte ñajan quei'ccu fae'ngae jinchopa osha'choma ti'tsse'tssia. Tsa'caeñi ja'ño, Yaya, ccase ñama ti'tsse'tssia've tsonjan ña ccase quei'ccu fae'ngae jinchoye.

Lucas 3:16

Tsa'ma Juanjan poiyi'cconga conda: —Ñajan tsa'ccui'ccu gi que'ima feti'je. Tsa'ma ñama ti'tsse'tssia tsu jiya. Ñajan utu'ccoa. Nane shaca gi tise sapato uga'choma ccupa'suve ca'niñe. Tise jipa tsu Chiga Qquendya'pai'ccu que'ima fetiya. Tsambi'ta si'ngei'ccu fetiqquia'caen tsu injama'choma somboeña.

Miqueas 5:2

“Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

Juan 8:58

Jesúsja su: —Ñoa'me gi su: Toya Abrahamme meinte, Ña gi.

Canjaen'cho 2:8

Toya'caen Esmirna canqque'su Jesúsve in'jamba bo'fa'choma coira'sunga qquen tevaenjan: Qquen tsu Me'ttie'su toya'caen Osefa'tti'suja, tsa papa ccase qquendya'suja su:

Hebreo'su 13:8

Nane Jesucristoja ccaningaembi. Tayópi, ja'ño, tsangae tsu ccaningaembi.

Juan 1:27

Tsa tsu ñama omba'su. Tsa'ma tiseja ñoa'me ñama ti'tsse'tssia. Nane ñoa'me gi ñajan tisema coira'suve ca'niñe oshambi ni tise'be sapato tandan'choma yoripa dyaipa ccupaye'qque.

Marcos 1:7

Juan candusiamba su: —Ñama omboe tsu jiya ñama ti'tsse'tssiaja. Ñajan utu'ccoapa gi shaca tise sapatoma uga'choma ccupa'suve ca'niñe.

Canjaen'cho 1:11

Tsa aya'faja su: —Que atte'choma findi'cho tevaen'jenga tevaenjan. Tevaemba Asia ande'su siete Jesúsve in'jamba bo'fa'chonga moenjan. Nane Efeso canqque'su bo'fa'chonga, toya'caen Esmirna, Pérgamo, Tiatira, Sardis, Filadelfia, Laodicea'su bo'fa'chonga'qque va tevaen'jema moenjan.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.