Juan 1:1 - Cofán: Chiga Tevaen'jen

¹ Me'ttia'ye Chiga Aya'faja jin. Chiga Aya'faja Chigai'ccu can'jemba Chiga tsu.

Juan 1:1 Referans Kwoze

Génesis 1:1

Me'ttia'ye Chigaja sefacco, andeve'qque agattoen.

Juan 17:5

Tayopi, va ande meinte ñajan quei'ccu fae'ngae jinchopa osha'choma ti'tsse'tssia. Tsa'caeñi ja'ño, Yaya, ccase ñama ti'tsse'tssia've tsonjan ña ccase quei'ccu fae'ngae jinchoye.

Canjaen'cho 19:13

Tise oppoencho'cho sarupaja anjampai'ccu onjoen'cho. Tisema inisian'choja “Chiga Aya'fa.”

Colosa'su 1:17

Jesúsja osha'chove toya meinte can'jemba osha'choma ja'ño angacan injanga dañonge'fasa'ne.

Juan 1:14

Chiga Aya'faja a'ive dapa ingi'ccu can'jen. Tiseja ti'tsse'tssiasi gi atte'fa. Nane Chiga Dutssi'yeyi tsu tsa'caen ti'tsse'tssia. Tiseja osha'cho ñotssiaveyi tsomba tansintssia'veyi conda.

Canjaen'cho 22:13

Ña gi Ashaen'su toya'caen Nani'su. Me'ttie'su gi Osefa'tti'su'qque. Osha'chove Agattoen'su gi Osefaen'su'qque.

Juan 1:2

Tsaja me'ttia'ye Chigai'ccu can'jensi

Canjaen'cho 1:8

“Ña gi Ashaen'su toya'caen Nani'su.” Qquen tsu na'suja su. “Aisheve can'jemba gi ja'ño'qque can'jen. Tsangae gi can'jeña. Ña gi osha'choma ti'tsse'tssia.”

Filipo'su 2:6

Nane Jesucristoja Chiga tsu. Tsa'ma tise Chigai'ccu fae'ngae jincho'choma injanga an'biamba canjaeñe in'jambi.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Mateo 1:23

Toya tsandiei'ccu cansembi'choa pushesu tsu surie dapa tsandie du'shuve isuya. Du'shumbe iniseja Emanuelya tsu. Chiga ingi'ccu can'jen, qquen tsu suye in'jan.

Canjaen'cho 21:6

Omboe tsu ccase su: —Tayo tsu nani. Ña gi Ashaen'su. Ña gi Nani'su. Majan tsaqquie'su'ninda gi corifin'dive iñajambe'yi cansiaña'cho tsa'ccu sombo'je'choma cui'ñaña.

Hebreo'su 13:8

Nane Jesucristoja ccaningaembi. Tayópi, ja'ño, tsangae tsu ccaningaembi.

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

1 Juan 5:20

Toya'caen gi atesu'fa Chiga Dutssi'ye tayo ji'choma. Tsa tsu ingima in'jaen ñoa'me Chigama atesuye. Ingija fae'ngae jincho'fa ñoa'me Chigai'ccu. Toya'caen gi fae'ngae jincho'fa Tise Dutssi'ye Jesuscristoi'ccu. Tsaja ñoa'me Chigayi. Tsai'ccu fae'ngae jincho'ta tsangae canseya'cho tsu.

1 Timoteoga 3:16

Ingi tayoe condambi'choa Chigave in'jan'choja ñoa'me joccapitssia in'jan'cho tsu. Majañi'qque tsama a'tieñe osha'fambi: Chigaja a'ive dapa attian. Chiga Qquendya'pa Tise ño'ama canjaensi sefacconi'su shondosundeccu'qque Tisema attepa shondo'fa. Tisene candusian'fasi israembindeqquia'qque paña'fa. Nane tsa'caen candusian'fasi poi ande'su aindeccu Tise've in'jan'fa. Tiseja sefacconi ansundepa ñoa'me ti'tsse'tssia've dapa can'jen.

Juan 16:28

Ñajan Chiga Quitsane sombopa va andenga ji. Toya'caen gi va ande'ye sombopa toequi Yaya Chiga Quitsani jaya.

Canjaen'cho 1:17

Tisema attepa gi tise tsutteccofanga paqquia'caen amppi ccui. Tsa'ma tiseja tansinfa'su tivei'ccu ñama pporaemba su: —Dyombe canjan. Ña gi Me'ttie'su toya'caen Osefa'tti'su.

Juan 20:28

Tsonsi Tomásja su: —¡Ña Na'su qui! ¡Ña Chiga qui!

Titonga 2:13

Tsa'caen cansepa gi avujatsse ronda'je'faya Na'su jiye su'cho a'ta napiya'ngae. Tsequi a'ta tsu Chiga ingima ccushaen'su Jesucristoja joccapitssia've dapa a'tatsse attiaña.

Hebreo'su 7:3

Tise yaya, tise mamane Chiga Tevaen'jen condambi. Tise tayopi'su antiandeccune ni tise dushundeccune tevaembi tsu. Ni tisema isu'cho a'ta ni tise pa'cho a'tane tsu condambi. Tsa'ma Chiga tisema ttu'sepa ccutsiansi tsangae tsu tiseja Chigama afa'su. Tsa'camba tsu Chiga Dutssi'ye aindeccune Chigama afa'suve dapa tsangae can'jeña'choma canjaen.

Canjaen'cho 3:14

Toya'caen Laodicea canqque'su Jesúsve in'jamba bo'fa'choma coira'sunga qquen tevaenjan: Qquen tsu tsangaeyi tson'suja su. Tsa Chiga mandaqquia'caen tansintsse conda'su, tsa pa'cco Chiga agattoen'chove agattoen'suja qquen tsu su:

Efeso'su 3:9

Ñama tsu manda ña candusiañe tsonsi cuintsu poiyi'cco a'i Chiga tayoe condambi'choave in'jan'faye. Tseyi Chiga andema agattointe Chigaja osha'choma in'jamba Tise in'jan'choma ni fae a'ingayi'qque condambi.

Canjaen'cho 1:2

Ña, Juan, pa'tssima attepa gi voe tansintsse conda'je. Chiga Aya'fa tsu. Jesucristo ñanga attiansi gi conda'je.

1 Juan 5:7

Chiga Qquendya'pa'qque Jesúsne conda. Tsaja tansintsse conda'su.

Romanos 9:5

Israendeccuja tayopi'su joccapitssia coenzandeccumbe dushundeccu tsu. Tsendeccune tsu Cristoja ji. Nane a'ive dasi israe a'i isu'cho tsu. Cristoja Chiga tsu, osha'choma joccapitssia. Tsangae Tisema ñotsse afa'faja. Tsangaeyi.

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Salmos 45:6

¡Que qui Chiga! Tsangae joccapitssia Na'suve dapa qui manda'je. Quiníccopave dapa qui ñotsse tansintsse manda'je.

Canjaen'cho 2:8

Toya'caen Esmirna canqque'su Jesúsve in'jamba bo'fa'choma coira'sunga qquen tevaenjan: Qquen tsu Me'ttie'su toya'caen Osefa'tti'suja, tsa papa ccase qquendya'suja su:

2 Pedro 1:1

Ña Simón Pedro gi Jesucristo sema'su. Tisene afa'su gi que'inga tevaen'jen. Nane ingi Chiga, Jesucristo ingima ccushaen'suja ño'amba ingima in'jaenqquia'caen que'ima'qque in'jaen Tise've in'jan'faye. Tise've in'jañe tsu osha'chone ti'tsse bare.

Canjaen'cho 1:11

Tsa aya'faja su: —Que atte'choma findi'cho tevaen'jenga tevaenjan. Tevaemba Asia ande'su siete Jesúsve in'jamba bo'fa'chonga moenjan. Nane Efeso canqque'su bo'fa'chonga, toya'caen Esmirna, Pérgamo, Tiatira, Sardis, Filadelfia, Laodicea'su bo'fa'chonga'qque va tevaen'jema moenjan.

Lucas 24:53

Poi a'ta Chiga ettini can'jemba Chigama ñotsse afa'je'fa. Tsangaeyi.

Juan 8:58

Jesúsja su: —Ñoa'me gi su: Toya Abrahamme meinte, Ña gi.

Colosa'su 1:15

Chiga Quitsaja atte'masia. Tsa'ma Jesúsja tsa'suyi tsu. Toya andeve aga'ttoembi'te Jesúsja canse.