Josué 6:27 - Cofán: Chiga Tevaen'jen

²⁷ Tsa'caen Na'su Chiga Josuéma fuitesi poiyi'cco tsa ande'su aindeccu tise tson'choma attepa asi'ttaen'fa.

Josué 6:27 Referans Kwoze

Josué 9:3

Tsa'ma Gabaón canqque'su heveondeccuja Josué Jericóma toya'caen Haima patsu'choma pañamba

Josué 1:5

Pa'cco que cansuite gi quema quiñaeña faesu quema joqquitssiansa'ne. Ña Moisési'ccu can'jenqquia'caen gi quema'qque quiñaeña. Minguite'qque gi quema tisuveyi catiya'bi.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Mateo 18:20

Nane tres, tsambi'ta dosyi ñame in'jamba bo'fa'nijan ñajan tise'pai'ccu fae'ngae can'jen.

Josué 9:9

Tsonsi tsu su'fa: —Que'ima shondosundeccuja ñoa'me biani'su andeni can'jemba Na'su que'i Chigama pañamba gi ji'fa. Nane Na'su Chiga Egiptosundeccuma tson'choma pañamba

Josué 9:1

Jordánma chiga amppi'jefa'su nasundeccu tsa tson'choma pañamba bo'fa israendeccui'ccu iyiccoye. Nane majan ccotta'cconi canjensundeccu, sinjunccuni canjensundeccu toya'caen rande mar otafani canjensundeccu Líbano andepie, tsu Josuéi'ccu iyiccoye bopa condasecco'fa. Nane tsa hitita'su, amorreo'su, cananeo'su, ferezeo'su, heveo'su toya'caen jebuseo'su nasundeccu tsu tsa'caen bo'fa.

Génesis 39:21

Na'su Chigaja Joséi'ccu can'jemba tisu ñotsse tsoña'chove canjaen'jen. Nane cuintsu picco'jeccuni'su na'su Joséma ñotsse in'jaña'chove Chigaja antte.

2 Timoteoga 4:22

In'jan gi cuintsu Na'su Jesús que injama'choni can'jeñe; toya'caen cuintsu Chiga Quitsa'qque quema ñotsse tsoñe. Tsangaeyi.

2 Timoteoga 4:17

Tsa'ma Na'su Jesús ñai'ccu can'jemba tsu ñama quiñaen. Quiñaensi gi a'tatsse pa'cco Jesucristone ñotsse condase'choma conda. Condasesi tsu poiyi'cco israembindeqquia'su nasundeccu'qque paña'fa. Tsa'caen tsu Na'su Jesúsja fi'ttiya'chone ñama ccushaen ttesinga cati'je'fa'choma ccushaenqquia'caen.

2 Corinto'su 13:14

In'jan gi cuintsu Na'su Jesucristo que'ima ñotsse tsoñe. Toya'caen gi in'jan cuintsu Chiga Quitsa que'ima ñotsse in'jañe. Toya'caen cuintsu Chiga Qquendya'pa que'ini canseye. Tsangaeyi.

Mateo 14:1

Tse'i Galilea ande na'su Herodes osha'cho Jesús tson'chone paña.

Mateo 4:24

Pa'cco Siria ande'ye Jesús ji'choma pañamba pajisundeccuma tisenga i'fa. Majan a'ija osha'cho paqque'sui'ccu, osha'cho iña'sui'ccu, toya'caen cocoya ca'ni'cho'qque, shanccopajashendeccu, ishopa paqque'sunga dañongendeccuma'qque tisenga isi tsu poiyi'ccoma ccushaen.

Josué 1:9

Ña gi manda: Dyombi'tsse quinse'tsse ccutsuja. Dyojama ni ñoquimbijama. Nane ña, que Na'su gi mani jacan'ni'qque fae'ngae quei'ccu jacaña.”

Deuteronomio 31:6

Que'i injama'choma ñoñamba quinse'tsse iyicco'faja. Dyombe'yi tise'pai'ccu geraen'faja. Nane Na'su que'i Chiga tsu que'ima catimbe'yi que'i'ccu fae'ngae iyiccoya.”