Josué 6:1 - Cofán: Chiga Tevaen'jen

¹ Tsa Jericó canqqueja ta'etsse picco'cho tsu. Nane israendeccuma dyopa tsu majañi'qque sombo'jeye ni cani'jen'fambi.

Josué 6:1 Referans Kwoze

Josué 2:24

Qquen tsu su'fa: “Ñoa'me tsu Na'suja pa'cco andema inginga afe. Poiyi'cco a'i tsu ingima dyopa canse'fa.”

Josué 2:7

Tsa'caen susi na'sumbe sundarondeccuja a'tutsse jacansundeccuve tta'ttaye ja'fa Jordán na'ema cca'yapa ise'je'cho tsaiquini. (Sundarondeccu canqque'ye tta'ttaye sombosi tsu canqque sombo'ttima picco'fa.)

2 Reyes 17:4

Tsa'ma Oseasja Asiriama catiye in'jamba canqque'fanga tise afepoen'jen'choma moembi. Tsa'caen moembi'pa a'tutsseyi tisema afasundeccuma moe Egipto'su na'su Songa cuintsu tisema fuiteya'chove afa'faye. Tsama pañamba Salmanaserja tise sundarondeccuma moe cuintsu Oseasma indipa picco'faye. Picco'je'cho ettinga piccopa

Josué 5:15

Tsa'caen iñajampañasi Na'su Chigambe sundaro na'suja su: —¡Que sapatoma shichhaja! Va'tti que ccutsu'ttija Chiga ande tsu. Tsa'caen susi Josuéja tsa'caen tson.

Josué 6:2

Tsa'cansi Na'suja Josuéma su: “¡Que canjan! Tayo gi Jericóma patsupa que'inga afe. Nane tsa canqque na'su toya'caen poiyi'cco sundarondeccuma'qque gi que'inga afe.

Josué 2:1

Tsa'caen conda nanimba Josuéja Sitim canqqueni can'jemba a'tutsse moe dos a'i cuintsu a'tutsse japa atte'faye. Moe'jemba qquen su: “Japa andema camba Jericó canqquema'qque ñotsse can'faja.” Tsa'caen mandasi Jericóni japa tsa'oma afe'su Rahab tsaoni ca'nimba can'jen'fa.