Josué 5:1 - Cofán: Chiga Tevaen'jen

¹ Na'su Chiga Jordánma samboensi israendeccu ise'choma pañamba chiga amppi'jeni canjensundeccu, tsa amorreo'su nasundeccu toya'caen mar otafa'su cananeo'su nasundeccu'qque ñoa'me dyopa tise'pa injama'choni chape'fa. Nane dyojo'fa tsu israendeccui'ccu iyiccoye.

Josué 5:1 Referans Kwoze

Números 13:29

Néguevnijan amalecitandeccu tsu can'jen'fa. Ccotta'cco'su andenijan hititandeccu, jebuseondeccu toya'caen amorreondeccu can'jen'fa. Toya'caen mar otafa'ye Jordán naeni tsu cananeondeccumbe ande.

1 Reyes 10:5

tise anqque'suma'qque attepa can'boen ccutsu. Nane tise nasundeccu ma'caen ñotsse dyaisi ofian'jen'cho, shondosundeccu ñotsse ondiccupa ofian'jen'choma, toya'caen vino tasama cuiñasundeccuma attepa tsu can'boen ccutsu. Toya'caen Salomón Na'su Chiga ettini japa aña'choma afepa oque oraen'jen'choma attepa tsu ñoa'me afambi'tsse can'boen ccutsu.

Canjaen'cho 18:10

Nane fae'ngae ju'rusa'ne tsu tsa'caen dyopa biane ccutsupa i'namba su'faya: ¡Ay, va'cha qui, rande ti'tsse'tssia Babilonia canqque! Fae a'tayi qui junde tsa'caen vana'jen.

Daniel 5:6

inzu'tsse dapa pa'cco ai'vo ttun'dundu'jeve da.

Éxodo 23:28

Nane pa'ttanga dyopa ccuyaqquia'caen tsu heveondeccu, hititandeccu, toya'caen cananeondeccu que'ima attepa ccuya'faya.

Génesis 48:22

Toya'caen quenga gi que antiandeccuma ti'tsse'tsse afe. Nane Siquem canqquema gi quenga afe, tsa amorreo aindeccui'ccu ña iyiccopa itsa'cho andema.

Génesis 12:6

tsa ande enttingeni japa Siquem canqqueni nepi'fa. Nane Siquemni tsu More roble quini'ccoccuja jin, tsa chigama iñajan'jen'tti. Cananeondeccu tsu tsa canqqueni can'jen'fa.

Josué 3:16

na'en ai'je'choja pasa. Nane biani tsu tsa'caen bo ccutsu Adam canqque jini. Tsa Adam tsu Saretán pporotsse. Tsa'caen bo ccutsusi a'ningae Pa'cho marningae ai'je'cho'qque samba. Tsa'caen dasi poiyi'cco a'i tsui ise'fa Jericó isevetsse.

Josué 3:17

Na'su Chiga a'i'ccu injancco'fa'cho cafonma anga'su Chigama afasundeccuja Jordán na'en enttingeni ccutsu'fa san'an'ni. Tsa'caen ccutsu'fasi poi israendeccu tise'pama panshamba ccavofanga ise'fa. Nane ñoa'me santsse sambasi tsu tsa'caen ise'fa.