Josué 1:1 - Cofán: Chiga Tevaen'jen

¹ Na'su Chigama shondo'su Moisés pasi Na'suja Nun dutssi'ye Josué, tsa Moisésma fuite'sui'ccu afapa qquen su:

Josué 1:1 Referans Kwoze

Deuteronomio 34:9

Nane Moisés tisu tivei'ccu Nun dutssi'ye Josuénga pporaensi Josuéja osha'chove in'jan'cho qquendya'pai'ccu mandasi israendeccu tisema pañamba Na'su Moisésnga mandaqquia'caen tson'fa.

Deuteronomio 31:3

Tsa'ma Na'su que'i Chiga tsu que'ima o'tie jayipa tsa ande'su aindeccuma patsupa nepiaña que'i tseni can'jen'faye. Na'su suqquia'caen Josué tsu que'ima mandapa angacaña.

Éxodo 24:13

Tsama pañamba Moisésja jangipa tisema shondo'su Josuéi'ccu Chiga can'jen'cho ccotta'cconga ansunde.

Romanos 1:1

Ña Pablo gi Jesucristoma shondo'su. Tise tsu ñama ttu'se tisema afa'suve. Ttu'sesi gi ñajan Chiga ñotsse condase'choma condaseye canse.

Tson'fa'cho 7:45

Tayopi'su coenzandeccu pa'fasi tise'pa dushundeccu Josuéi'ccu va andeni jiji'fa. Tsa'caen ji'fasi Chiga Quitsaja va andeni can'jensundeccuma joqquitssian cuintsu ingi coenzandeccu tise'pa andema itsapa can'jen'faye. Toya'caen tsa'caen jipa Chiga a'ima cachuicco'je'cho carpa tsa'oma'qque i'fa. Tsa'caen ipa tsu toya David can'jeinte an'bian'fa.

Deuteronomio 34:5

Tsa'caen tsu Moisés, tsa Chigama shondo'suja, Na'su suqquia'caen Moab andeni pa.

1 Reyes 19:16

Tsa Nimsi omba'su dutssi'ye, Jehúma'qque ttu'sepa fetija Israel na'suve. Toya'caen Abel-mehola canqque'su Safat dutssi'ye Eliseoma ttu'sepa fetija cuintsu quema omboe Chiga aya'fama afa'suve daye.

Números 13:16

Tsa tsu Moisés a'tutsse jacamba cansundeccuve moe'chondeccumbe inise. Moisésja Oseas, Nun dutssi'yema tsu Josuéve inisian.

Números 13:8

Efraín aindeccu'su Oseas, Nun dutssi'ye;

Números 12:7

Tsa'ma ñama shondo'su Moisési'ccuja tsa'caen tsombi gi. Tise tsu cca'i ñama shondosundeccuma ti'tsse pañamba ñotsse tson'su.

Números 11:28

Tsonsi Josué, tsa Nun dutssi'ye, dusuite'yi Moisésma fuite'suja qquen su: —¡Ña na'su, Moisés, tsendeccumajan se'pija!

Canjaen'cho 1:18

Cansian'su gi. Papa gi ccase qquendya. Qquendyapa tsangae gi canse. Nane pa'chombe na'suma patsupa gi na'suve da. Pa'chondeccu can'jen'ttima fetta'je'cho yavema itsapa gi an'bian.

Santiago 1:1

Ña, Santiago gi Chigambe, Na'su Jesucristombe sema'su. Israe'su Cristove in'jan'chondeccu attufaccojin can'jendeccunga gi tevaen'jen. Case'te.

Titonga 1:1

Ña Pablo gi Chigambe sema'su. Jesucristone afa'su gi. Jesúsja ñama ttu'sepa moen Chiga in'jan'cho aindeccuma fuitesi cuintsu Tise've ti'tsse in'jan'faye. Tsendeccunga tsu ñama moen Chiga tansintsse su'choma atesiansi cuintsu ñotsse atesupa canse'faye.

Lucas 16:10

Majan a'i re'riccoama ñotsse coirapa an'bian'da ti'tsse'tssiama'qque tsu ñotsse coirapa an'biaña. Tsa'ma majan re'riccoama ñotsse coirambi'ta ti'tsse'tssiama'qque ñotsse coirambipa cca'naña.

Deuteronomio 34:12

Nane jimbi tsu faesu tisia'caen israendeccunga osha'cho ti'tsse'tssia tson'choma canjaemba Na'su Chiga oshacho'choma canjaen'suve.

Josué 1:2

“Ñama shondo'su Moisésja tayo pa. Tsa'cansi ja'ñojan que qui poiyi'cco va israendeccui'ccu ñoñamba Jordán na'ema isepa ña que'inga afeya'cho andenga ca'niña'cho.

Josué 1:15

tsa andema patsuya'ngae. Tsa'caen tsu tsoña'cho Na'su Chiga afesi tise'pa ño'faya'ngae. Nane que'inga afeqquia'caen afesi tise'pa'qque tsa Chiga afe'cho andembe nasundeccuve da'faya'ngae tsu fuite'faya'cho. Tsa'ma tsa'caen afesi qui toequi shandaye osha'fa Chigama shondo'su Moisés que'inga afe'cho Jordán na'ema chiga sombo'jefa'su andema an'biamba canseye.