Jonás 4:11 - Cofán: Chiga Tevaen'jen

¹¹ Tsa'caen gi ña'qque Nínive rande canqque'su aindeccuma mendeyeya'cho. Nane tsa ciento veinte mil a'i ñoa'me'qque du'shua'caen majan ega, majan ñotssiave atesumbindeqquiama. Toya'caen tseni tsu tsain'bio aiña'cho sheque'fa. Tsendeccuma'qque gi mendeyeya'cho.

Jonás 4:11 Referans Kwoze

Mateo 18:33

Que'qque ñotsse tsoña'choecan'da qui faenga'suma'qque tsa'caen mende'yepa tise shacama fi'ttiye'can.”

Jonás 1:2

“Japa rande Nínive canqquenga condaseja pa'cco tsa canqquema ña sefaeña'choma. Nane tayo gi paña tise'pa egae tsincon'choma.”

Salmos 36:6

Que ñotsse tansintsse tson'choja ccotta'cco randea'cantsse cambiambitssi. Toya'caen rande mar tsosini nepiqquia'caen tsu que tansintsse in'jan'choja nepi. Queja, Na'su, a'ima in'jamba poi va andeni jacanqque'suma'qque in'jamba coira'je.

Jonás 3:10

Chigaja Nínive'su a'i egae tson'choma anttepa ñotsse canseye in'jan'choma atesupa ñoquipa tise'pama sefaen catiye su'choma antte.

Isaías 1:18

Na'suja qquen su: “Ji'faja. Jinge que'i egae tsincon'chone condasecco'faye. Que'i egae tsincon'cho cutsse amundeqquia'caen que'ima daño'ni'qque gi me'tsse chandisu'ccoa'caen tototssia've que'ima giyaeña. Nane sarupa cu'a da'choma giya'tsse oveja tose'caen tototssia've tsonqquia'caen gi que'ima'qque tsa'caen giyaeña.

Isaías 7:16

Tsa'ma toya tise atesumbisi tsu tsa quema dyoña'su dos nasundeccumbe andeja a'i meniame daya.

Jonás 4:10

Tsa'ma Na'su Chigaja qquen su: —Queja quini'sima jombi qui; ni shoyoembi qui. Fae cose'yi sho'yopa tsu faesu coseja pa. Tsa'ma tisema in'jamba qui mende'ye.

Génesis 9:10

Nane poiyi'cco que'i'ccu tsa'o shavo'ye sombopa can'jendeccu —chhiriria, vaura'can, poi tsampini jincho'choi'ccu'qque gi fae'ngae injancco'faya.