Jonás 2:9 - Cofán: Chiga Tevaen'jen

⁹ Tsa'ma ñajan chigatsuafepaenján qquen in'jamba gi quenga afe'choma afeya. Pa'cco ña quenga jai'ngae ñotsse tsoña'choma gi tsoña. ¡Na'su, jo'su queyi qui ccushaeñe osha!”

Jonás 2:9 Referans Kwoze

Hebreo'su 13:15

Tsa'caen ronda'je'ta tayopi'su a'i poi a'ta Chiganga afe'choma afeqquia'caen jinge poi a'ta Cristove in'jamba Chigane ñotsse afapa iñaján canse'faye. Ingi aya'fai'ccu tsu cca'indeccunga Cristoja ño'a qquen ñotsse condase'faya'cho.

Salmos 68:20

Ingi Chigaja ccushaeñe atesupa pa'cho'ye'qque ingima ccushaeñe osha.

Romanos 12:1

Faengasundeccu ñajan que'ima iñajamba su: Chiga que'ima mende'yepa ccushaen'ninda tisuma tsu Tisenga afe'faya'cho cuintsu Chiga ma'caen tsoñe in'jan'da tsoñe. Chiga in'janqquia'caen cansepa qui egae jincho'chove mechopa Tisenga afe'faya'cho. Tsa'caen tsu Chigaja in'jan Tisema ñotsse iñajañe.

Canjaen'cho 7:10

fae'ngatsse fundondo'e afa'fa: Chiga Quitsaja ingima ccushaen'su tsu. Tise tsu dyaipa'choni dyai. Nane Oveja'qque tsu ingima ccushaen'su.

Juan 4:22

Nane que'i samariasundeccuja Chigama atesumbipa qui injanga iñajan'fa. Tsa'ma ingi israendeccuja Chigama atesupa gi iñajan'fa. Israelne tsu ccushaen'suja jiya.

Génesis 35:3

Junde tsu Betelni jaya'cho. Tseni japa gi Chiganga afe'je'chove ñoñamba ña vana'jensi fuite'su Chigama iñajaña. Nane tise tsu ña mani jacan'ni'qque ñama fuitepa angacan.

Tson'fa'cho 4:12

Majan faesu ccushaen'suve me'i'on tsu. Ni Chiga Quitsa'qque faesu ccushaen'suve condambi va ande'su aindeccunga majan ingima ccushaeñe oshaya'chove.