Jonás 2:2 - Cofán: Chiga Tevaen'jen

² su: “Na'su, ña vana'jemba quema iñajansi qui ñama pañamba afa. Nane ñoa'me pa'cho quema afasi qui paña.

Jonás 2:2 Referans Kwoze

Salmos 34:6

¡Va'cha a'i gi! Tsa'ma Na'suma iñajansi tiseja ñama paña. Pañamba ña vana'jen'cho'ye ñama ccushaen.

Hebreo'su 5:7

Tsa'cansi Cristoja a'ive dapa va andeni can'jemba ina'jemba fundondo'e Chiga Quitsama quia'me iñajan. Nane Chiga Quitsayi tsangae paya'cho'ye tisema ccushaeñe oshasi tsu Tisema iñajan. Tsa'caen dyoe'sui'ccu Chigave in'jamba iñajansi Chigaja tisema paña.

Mateo 12:40

Nane Jonás tres a'ta, tres cose'qque rande avu ttopani can'jenqquia'caen gi Sefaccone Ji'cho A'i'qque papa tres a'ta, tres cose'qque andenga a'tu'fasi can'jeña'cho.

Lucas 22:44

Tsa'caen ñoa'me vana'jemba ti'tsse quia'me Chigama iñajan. Poipa'su'qque sombopa ñoa'me injan'tsse anjampa tssanqquia'caen andenga amppi'je.

Salmos 16:10

Ña qquendya'pama catiya'bi qui pa'chondeccu can'jeni. Ni antteya'bi qui que in'jan'cho a'imbe ai'vo papa congoñe.

Tson'fa'cho 2:27

Nane Queja, Chiga Quitsa, ña qquendya'pama catiya'bi qui pa'chondeccu can'jeni. Ni antteya'bi qui que in'jan'cho a'imbe ai'vo papa congoñe.

1 Samuel 1:16

Tsa'cansi ñama ega pushesu qquen in'janjama. Nane cca'i'ccu can'jemba ñoa'me ñombi'yepa vana'jemba gi vani jipa asi'ttaemba Na'su Chigama iñaján can'jen.

Lucas 11:10

Nane poiyi'cco majan iñajan'da tsu isu'faya. Poiyi'cco majan tta'tta'ta tsu atte'faya. Poiyi'cco majan tssai jeña'da na'su fettasi tsu ca'ni'faya.