Job 1:12 - Cofán: Chiga Tevaen'jen

¹² Tsonsi Na'su Chigaja Satanama su: —Ju, ñotssi tsu. Que in'janqquia'caen tsonjan pa'cco osha'cho Job an'bian'choma. Tsa'ma tisema mingae pporaenjama. Tsonsi Satanajan Na'su'ye joqquitssin ja.

Job 1:12 Referans Kwoze

2 Corinto'su 12:7

Tsa'caen osha'cho ñotssia attian'choma attesi ñoa'me iñetssia ai'vo jincho'choma ñanga afesi gi vana'jen panshaen tisuma ñotsse afasa'ne. Tsaja Satana moensi ji'choaca'on tsu cuintsu ñama noñangiañe.

1 Corinto'su 10:13

Que'ija egae tsoñe in'jan'da qui poiyi'cco a'i'ccu fae'ngatssi'fa. Ccaninga'fambi qui. Tsa'ma Chigaja ño'a. Tiseja antteya'bi cuintsu que'i panshaen egae tsoñe in'jamba egae tsincoñe'da. Nane egae tsincoñe in'jan'ninda que'ima tsu fuiteya que'i in'jan'cho'ye somboemba ccushaeñe.

Juan 19:11

Jesúsja su: —Chiga anttembiecan'da qui ñane mandaye oshambiye'can. Tsa'cansi ñama quenga afesundeccu tsu quema ti'tsse shacapa'fa:

Jeremías 38:5

Tsonsi na'su Sedequíasja su: —Ñotssi tsu. Que'i in'janqquia'caen tisema tson'faja. Ñajan que'ima se'piye oshambi.

Génesis 16:6

Tsama pañamba Abramjan su: —Que canjan, va pushesuja quembe sema'su tsu. Tisema ma'caen tsoñe in'jan'da tsa'caen tsonjan. Tsa'caen susi Saraija Agarma tsain'bitsse egae tsincoñe ashaen. Tsa'caen tsinconsi Agarja ccuyin ja.

Job 1:11

Tsa'ma tise'bema itsaye'ta tsu quema afaseya.

Job 1:13

Fae a'ta Job dushundeccuja antian coenza tsaoni fiestaen'jen'fa.

Lucas 12:23

Ingi canse'cho tsu ingi anqque'suma ti'tsse'tssia. Ingi ai'vo tsu ingi ondiccu'je'choma ti'tsse'tssia.