Jeremías 38:17 - Cofán: Chiga Tevaen'jen

¹⁷ Tsa'caen susi Jeremíasja Sedequíasma su: —Na'su, Israel Chiga, tsa Osha'choma Oshacho'choja qquen tsu su: ‘Que, que antiandeccu'qque Babilonia'su sundaro nasundeccunga tisupama afe'ta qui ccushapa canse'faya; tsayita tsu caldeondeccuja va canqquema oque'faya'bi.

Jeremías 38:17 Referans Kwoze

Jeremías 38:2

“Qquen tsu Na'su Chigaja su: ‘Majan va canqqueni can'jen'da tsu paya. Nane gera, qquipoe'su, toya'caen paqque'sui'ccu tsu vani canjensundeccuja pa'faya. Tsa'ma sombopa caldeondeccunga tisuma afe'ta tsu vana'jen'an'qque toya canse'faya.’

2 Reyes 24:12

Tise jipa patsusi tsu Judá na'su Joaquínjan tisuma Babilonia'su na'sunga afepa, tise mama, tisema shondosundeccu, nasundeccu, tise mandasi paña'jen'chondeccuma'qque afe cuintsu indi'faye. Nane Nabucodonosor canqque'fa ochove manda'je'ni tsa'caen Judáma patsu.

Amós 5:27

Ñoa'me gi Damasco ti'tsse joccani que'ima joqquitssian moeña.” Tsa'caen tsu Na'suja su. Tsa Osha'choma Oshacho'cho Chiga qquen tsu tisuma inisian.

Génesis 12:13

Tsa'caen dasa'ne chigáne queja ña que'tte qquen suja cuintsu tsa'caen in'jamba ñama ñotsse tson'faye.”