Jeremías 32:41 - Cofán: Chiga Tevaen'jen

⁴¹ Nane avujaya gi tise'panga ñotsse tsoñe. Pa'cco ña in'jan'choi'ccu gi tise'pa va andeni canseya'chove antteya.”

Jeremías 32:41 Referans Kwoze

Isaías 65:19

Ña'qque tsa Jerusalénma attepa avujatssipa gi tseni can'jensundeccuma'qque attepa injama'choni avujaya. Nane tseni ti'tsse ina'jen'choma pañambipa ni ñombi'yepa fundo'je'choma ccase pañaña'bi.

Jeremías 31:28

Nane tise'pa tson'jen'choma gi anttembe'yi caña'jen. Tsa'camba gi tise'pama sai isupa dañoqquia'caen da'ñomba nepian. Tsa'ma tsa'caen tise'pama camba dañoqquia'caen gi tise'pama camba ccase jonqquia'caen ñoñaña. Ña, Na'su Chiga gi que'inga conda.

Deuteronomio 30:9

Que'i tsa'caen tsonsi Na'suja antteya que'i osha'cho tsoña'choma ñotssiave naniñe. Tsain'bio du'shuve atapapa tsain'bio aiña'chove'qque qui atapoen'faya. Toya'caen que'i jomba'cho'qque ñotsse sho'yosi qui injantsse tai'je'faya. Na'su que'i Chiga que'i tayopisundeccu'yenga ñotsse tsomba avujatssiqquia'caen tsu ccase que'inga ñotsse tsomba avujatssiya.

Deuteronomio 28:63

Na'suja que'ima ñotsse tsomba atapoemba avujatssiqquia'caen tsu que'ima dañomba nepian'an'qque avujatssiya. Nane jon'choma sai isuqquia'caen tsu que'ima que'i can'jeña'cho ande'ye quian'me joqquitssiaña.