Jeremías 32:34 - Cofán: Chiga Tevaen'jen

³⁴ Ñoa'me gi tise'pa ñoña'cho chigandeqquiacan'ma chi'ga. Nane tsesuma ñañi can'jen'cho ettinga ccutsiamba tsu ña tsa'oma daño'fa.

Jeremías 32:34 Referans Kwoze

2 Reyes 21:1

Manasésja doce canqque'fave an'biamba na'suve da. Tise mama inise tsu Hepsiba. Tsa'caen na'suve dapa cincuenta y cinco canqque'fa Jerusaléni can'jemba manda'je.

Jeremías 7:10

Tsa'caen tsomba qui va ña ettinga ji'fa ñame tta'ttaye. Dyombi'tsse vani ji'jeye qquen qui in'jan'fa. Nane tsa'caen ña in'jambi'choa've tsincomba toya dyombi'tsse ji'jeye qquen qui in'jan'fa.

Jeremías 19:4

Nane israendeccu ñama catipa va sinjunccuma faesu andema'caen tson'fasi gi tsa'caen dañoña. Ja'ño va'ttinga tsu ñome'bama faesu chigandeccunga oque oraen'fa. Nane tise'pa ni tise'pa tayopisundeccu'ye ni Judá'su nasundeccu tsa chigandeccuma tayoe atesu'fambi. Toya'caen vani tsu tsain'bitssia egae tsincombindeqquiama fittitti'fa.