Jeremías 1:5 - Cofán: Chiga Tevaen'jen

⁵ “Que toya meite gi quema tayo ttu'se. Nane toya isumbi'te gi quema tayo attufaen. Tsequi gi quema ccutsian poi aindeccunga Ña aya'fama afa'suve.”

Jeremías 1:5 Referans Kwoze

Romanos 8:29

Nane Chigaja tsa'caen tayoe in'jamba ingi toya meinte ingine tsa'caen antte cuintsu Jesucristoa'caen da'faye. Tsa'caen tsu in'jan cuintsu Jesucristoja ingi poiyi'ccombe joccapitssia quindyave daye.

Lucas 1:41

María chigambian'choma Elisabet pañasi tise du'shuja ttopa'ye quia'me oya. Tse'faei'ccuyi Chiga Qquendya'pa in'jaensi

Lucas 1:76

Que, ña du'shuja, Sefacconi'su Chigama afa'su qui. Tsa'cansi tsu poiyi'cco a'i su'faya: ‘Na'suma o'tie japa tsu Tise jiya'chove ñoñaña.’

Éxodo 33:17

Tsonsi Na'su Chigaja su: —Tsa que su'chomanda gi tsa'caen tsoña. Ñoa'me quema ñotsse in'jamba que ña suqquia'caen tsoña'chove'qque in'jamba gi tsa'caen tsoña.

Jeremías 1:10

“Ña que aya'fama qquen pporaen'ninda qui ña afa'choma afaya. Ja'ño gi quema ccutsian poi nasundeccuma, poi aindeccuma'qque ti'tsse joccapitssia've cuintsu queja tise'pama joqquitssiamba sefaeñe; cuintsu tise'pama patsupa nepiañe. Toya'caen gi quema in'jaen cuintsu tise'pama mandapa ccase ñoñamba atapoeñe.”

Éxodo 33:12

Moisésja Na'su Chiganga su: —Que canjan, que qui manda ña va aindeccuma angacañe. Tsa'ma condambi qui majama ñai'ccu moeña'chove. Toya'caen qui su ñama ñotsse in'jamba atesu ñajan que in'janqquia'caen tsoña'chove.

Lucas 1:15

Nane Tiseja Na'su Chiga joccapitssia a'iya tsu. Osha'cho ccusianqque'suma tiseja cu'iya'bi. Tsa'ma toya isumbi'te tsu Chiga Qquendya'pa tisenga ca'nimba in'jaeña.

Romanos 1:1

Ña Pablo gi Jesucristoma shondo'su. Tise tsu ñama ttu'se tisema afa'suve. Ttu'sesi gi ñajan Chiga ñotsse condase'choma condaseye canse.

Efeso'su 1:22

Chigaja ñoa'me pa'tssima Jesúsnga tayo afe cuintsu tsama mandaye. Toya'caen Jesúsma na'suve tson cuintsu Jesúsja tise've in'jamba bo'je'chondeccuma mandaye. Tsove ai'voma mandaqquia'caen tsu Jesúsja tise've in'jan'chondeccuma manda.

Juan 10:36

qquen su'ninda ¿ma'caen qui que'ija ñama afase'fa? Nane Chiga Quitsa tsu ñama in'jamba ttu'sepa va andenga moen. Tsa'cansi ña gi Chiga Dutssi'ye qquen susi'ta ¿ma'caen qui que'ija ña Chigane egae afa'je qquenjan su'fa?

1 Corinto'su 8:3

Tsa'ma majan a'i Chigama in'jansi ccane'qque Chigaja tisema atesupa in'jan.

Jeremías 1:4

Na'su Chigaja ñama afapa qquen su: