Isaías 6:7 - Cofán: Chiga Tevaen'jen

⁷ ña aya'fama tsai'ccu pporaemba su: “Que canjan. Va si'nge setsa'je'cho te'choi'ccu que aya'fama pporaensi tsu que egae tsincon'choja joqquitssi. Nane Chiga tsu que egae tsincon'choma aqque'pa.”

Isaías 6:7 Referans Kwoze

Jeremías 1:9

Tsomba Na'suja tise tivema yasapa ña aya'fama pporaemba qquen ñanga su:

1 Juan 1:7

Tsa'ma Chiga'caen a'tatssiani can'jen'da gi tisupapora fae'ngae jinchopa ñotsse canse'faya. Toya'caen Jesús anjampa tsu ingima ccucha'je osha'cho egae tsincon'cho'ye.

Mateo 9:2

Jisi ishopa paji'suma tisupa ana'jen'chonga opi i'fa Jesúsnga. Jesúsja tise'pa Chigave in'jan'choma in'jamba ishopa paji'suma su: —Jaricho dyojama. Tayo tsu que egae tsincon'choma joqquitssian.

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Isaías 53:5

Tsa'ma ingi pañambipa in'jangae tsincomba gi tisema quiqquian'fa. Ingi egae tsincon'chone tsu tisema vanae. Tsa'caen tise vana'jensi ingija opatsse canse'fa. Ma'ppisi tise iñacca'cho tsu ingima ccushaen.

Números 16:46

Moisésja Aarónga su: —¡Que ñome'bama oque'je'choma i'ngapa Chiganga afeye oque'je'cho si'ngema on'boemba ñome'bama'qque tuiñajan! ¡Tsa'caen tsomba junde aindeccu can'jeni japa Chigama iñajanjan tsendeccu egae tsincon'chone joqquitssiya'chove! Ñoa'me tsu Na'su Chigaja iyicca'yepa fi'ttiye tson'jen. Nane tayo tsu paqque'sui'ccu paye ashaen'fa.

Isaías 40:2

Jerusalénma'qque mende'yepa ñotsse afa'faja. Nane tisenga conda'faja tisupa vana'jen'choma tayo pasa'chone. Tayo tsu tise egae tsincon'chone afepoen'choma isu'fa. Nane Na'su Chiga tive'suma dos se afepoenqquia'cantsse vana'choi'ccu isu'fa.”

Isaías 53:6

Poiyi'cco gi oveja'caen injanga ccani jacamba qque'fa. Ingi in'janqquia'caen gi injanga canse'fa. Tsa'ma Na'suja pa'cco ingi egae tsincon'cho shacama tisenga antte.