Isaías 6:2 - Cofán: Chiga Tevaen'jen

² Tisema ombanimajan si'ngiaca'on cansepa jinchondeccu sheque'fa. Poi cansepa jincho tsu seis sanccopave an'bian'fa. Nane poiyi'cco dos sanccopai'ccu tise camba'juma piccopa, dosi'ccu tise tsu'ttema piccopa faesu dosi'ccu chhaje'je'fa.

Isaías 6:2 Referans Kwoze

Canjaen'cho 4:8

Poi canse'pa jinchondeccu tsu seis sanccopave an'bian'fa. Ombafa'fani, tsosiccu'fani, enttingeni'qque tsu tsain'bio tso'fe sheque'fa. Pa'cco a'ta, pa'cco cose'qque anttembe'yi tsu qquen settapoen'fa: Ñotssia, ñotssia, ñotssia tsu Na'su Chiga Quitsaja. Tsaja osha'choma oshacho. Tiseja tayopi jinchopa, ja'ño'qque jincho. Jai'ngae'qque tsu tsangae jinchoya.

Salmos 104:4

Fingianjan quian'me fingiamba que conda'choma anga'je. Si'nge'qque quema shondosundeccu tsu.

Salmos 103:20

¡Chigama sefacconi'su shondosundeccu, Na'su Chigama ñotsse afa'faja! Que'i quin'sui'ccu Na'su manda'choma pañamba tsonsundeccu qui.

Isaías 6:6

Tse'faei'ccuyi fa'e si'ngiaca'on cansepa jinchoja si'nge setsa'je'cho te'choma oque'je'cho'suma indian'choi'ccu isupa ñani chhaje jipa

Canjaen'cho 14:6

Tsonsi faesu Chigama sefacconi'su shondo'suma gi atte. Tsaja sefaccone chhaje'je Chigambe tsangae ñotsse condase'choma poi ande'su aindeccunga condaye. Nane poi na'su manda'cho, poi a'i, poi aya'fa'su, poi andesundeccu pañañe tsu shondo'suja condaye ja.

Canjaen'cho 8:13

Omboe ccase camba gi rande pindoma atte. Sefacconi chhaje'jepa quia'me afasi gi qquen paña: —¡Ay, ay, ay! ¡Va'cha tsu poi ande'su aindeccu! Nane omboe tres jeñaqque'suma jeñasi tsu ñoa'me vana'faya.

Canjaen'cho 7:11

Toya'caen poiyi'cco Chigama sefacconi'su shondosundeccu na'su dyaipa'choma shoquendi'e ccutsu'fa. Coenzandeccuma, cuatro canse'pa jinchondeccuma'qque shoquendi'e ccutsu'fa. Tise'pa'qque andenga amppipa dyaipa'cho pporotsse puntssamba ccui'fa. Puntssamba ccuipa Chigama iñajan'fa

Job 1:6

Maqui a'ta poiyi'cco Chigama sefacconi'su shondosundeccu Na'su Chiganga catsepa ccutsusi Satana'qque fae'ngae tise'pai'ccu jipa ccutsu.

1 Reyes 19:13

Elíasja tsama pañamba tise omba'su ondiccu'jei'ccu camba'juma piccopa sombopa fattocco chango cani'jen'ttinga japa ccutsu. Tseni ccutsusi aya'fa tsu jipa tisema qquen iñajampaña: “¿Micon'jen qui va'tti, Elías?”

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Génesis 17:3

Tsama pañamba Abramjan andenga puntssan ccui. Puntssan ccui'ni'qque toya tsu Chigaja afapa su:

Hebreo'su 1:7

Chigaja Tisema sefacconi'su shondosundeccune qquen afa: Ñama sefacconi'su shondosundeccuja fingiancan'fa tsu. Ña manda moensi quia'me ja'fa. Ñama fuitesundeccuja si'ngia'can'fa tsu. Ña mandasi dyo'tsse tson'fa.

Lucas 1:10

Zacarías ca'nimba ñome'bama oque oraen'jen'ni poiyi'cco a'i tsotefanga ccutsupa Chigama iñajan'jen'fa.