Isaías 42:8 - Cofán: Chiga Tevaen'jen

⁸ Ña gi Na'su. Qquen tsu ña inise. Antteya'bi gi que'i ñanga afaqquia'caen faesuma tsa'caen ñotsse afa'faye. Nane se'piya gi que'i ñama iñajambipa ñoña'cho chigandeccuma iñajan'faye.

Isaías 42:8 Referans Kwoze

Éxodo 34:14

“Faesu chiganga iñajan'fajama. Nane Na'suta tsu ñoa'me sepipa. Tise iniseta tsu Sepipa Chiga.

Éxodo 4:5

Tsonsi Na'suja su: —Voe gi canjaen cuintsu Na'su, tise'pa tayopi'su coenzandeccumbe Chiga, nane Abraham, Isaac toya'caen Jacobmbe Chiga, quenga attian qquen in'jan'faye.

Juan 5:23

cuintsu poiyi'cco a'i Chiga Quitsama in'janqquia'caen Dutssi'yema'qque in'jan'faye. Toya'caen majan Dutssi'yema chi'ga'ta tisema moen'su Chiga Quitsama'qque tsu chi'ga.

Juan 8:58

Jesúsja su: —Ñoa'me gi su: Toya Abrahamme meinte, Ña gi.

Deuteronomio 28:58

“Osha'cho va tevaen'jeni tevaemba manda'choma ñotsse pañamba tson'faja. Toya'caen Na'su que'i Chiga joccapitssia inisema dyoe'sui'ccu ñotsse in'jan'faja.

Daniel 5:4

Tsa'caen cui'jepa poiyi'cco tise'pa ñoña'cho chigandeccunga iñajan'fa. Nane majan cori chiga, majan totoacori, majan cu'a yoshava, majan yoshava, majan quini'cco chiga, toya'caen majan patuma ñoña'cho chiganga tsu iñajan'fa.