Hebreo'su 4:8 - Cofán: Chiga Tevaen'jen

⁸ Nane Josuéja tayopi majan israendeccuma Canaán andenga ca'niansi tsendeccuja Chigai'ccu tsangae opatsse canseya'chonga ñoa'me ca'ni'fambi. Ñoa'me tseni Chigai'ccu ca'nimba tsangae opatsse can'jen'fa'choecan'da tsu Chigaja omboe ccase: “Ja'ño a'ta ca'niña'cho” qquen condambiye'can.

Hebreo'su 4:8 Referans Kwoze

Josué 1:15

tsa andema patsuya'ngae. Tsa'caen tsu tsoña'cho Na'su Chiga afesi tise'pa ño'faya'ngae. Nane que'inga afeqquia'caen afesi tise'pa'qque tsa Chiga afe'cho andembe nasundeccuve da'faya'ngae tsu fuite'faya'cho. Tsa'ma tsa'caen afesi qui toequi shandaye osha'fa Chigama shondo'su Moisés que'inga afe'cho Jordán na'ema chiga sombo'jefa'su andema an'biamba canseye.

Josué 23:1

Na'su Chiga fuitesi israendeccu poiyi'cco tise'pa iyiccosundeccuma patsupa bo'tssingae opatsse can'jensi Josuéja coenza ccashe'yeve da.

Tson'fa'cho 7:45

Tayopi'su coenzandeccu pa'fasi tise'pa dushundeccu Josuéi'ccu va andeni jiji'fa. Tsa'caen ji'fasi Chiga Quitsaja va andeni can'jensundeccuma joqquitssian cuintsu ingi coenzandeccu tise'pa andema itsapa can'jen'faye. Toya'caen tsa'caen jipa Chiga a'ima cachuicco'je'cho carpa tsa'oma'qque i'fa. Tsa'caen ipa tsu toya David can'jeinte an'bian'fa.

Salmos 78:55

Ipa israendeccu ca'nisi tseni can'jensundeccuma joqquitssian mañamba tise'pa andema israendeccunga afe. Yaya tise dutssiyendeccunga afeqquia'caen tsa andema attufaemba afe cuintsu israe'su aindeccu cca'tti, cca'tti canqquiamba can'jen'faye.

Salmos 105:44

Toya'caen faesu aindeccumbe andema itsapa afepa tsa'su aindeccu tisu sema'cho'suma taiya'choma'qque itsapa tise'panga afe

Josué 11:23

Tsa'caen tsu Josuéja Na'su Chiga Moisésnga condaqquia'caen pa'cco tsa andema patsu. Patsupa tsu poi israe'su aindeccunga andema attufaen cuintsu an'biamba can'jen'faye. Tsa'caen tsonsi tsu poiyi'cco a'i tsa andeni ñotsse opatsse canse'fa.

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.

Hebreo'su 4:9

Tsa'cansi ja'ño toya tsu Chigaja in'jan cuintsu Tise aindeccuja Tisei'ccu tsangae opatsse canse'faye.