Hebreo'su 4:7 - Cofán: Chiga Tevaen'jen

⁷ Tsa'cansi ccase tsu Chigaja ca'niña'cho a'tane condase, “Ja'ño a'ta” qquen supa. Nane omboe tsa tayopi'su Davidma in'jaensi tsu tayo conda'cho Chiga Tevaen'jeni qquen su: Ja'ño a'ta Chiga Aya'fama paña'da que'i injama'choma se'pi'fajama ñoa'me pañañe.

Hebreo'su 4:7 Referans Kwoze

Salmos 95:7

Na'suja ñoa'me ingi Chiga; ingija tise aindeccu. Nane ingija tise oveja'can'fasi tise ingima coira'je. Ja'ño tsu tisema pañaña'cho tise qquen susi:

Hebreo'su 3:15

Qquen tsu Chiga Aya'faja su: Tayopi'su israendeccuja Chigama patsu qquen tsincomba chi'ga'fa. Ja'ño a'ta, Chiga Aya'fama paña'da que'i injama'choma tsendeqquia'caen se'pi'fajama ñoa'me pañañe.

Mateo 22:43

Tsonsi Jesús su: —David dutssi'yemanda ¿ma'caen tsu David'yeja Chiga Qquendya'pa tisema in'jaensi Cristoma afa: “Ña Na'su”? Nane qquen tsu David'ye tevaemba su:

Tson'fa'cho 28:25

Tsa'caen fae'ngae in'jambipa jaye ashaen'fasi Pabloja su: —Chiga Qquendya'pa tsu ingi tayopi'su coenzandeccunga ñotsse conda. Tsa'cansi te tayopi'su Chiga Aya'fa afa'su Isaíasja qquen su:

Tson'fa'cho 2:31

Tsane tsu David'yeja qquen su: “Tise qquendya'pama catiya'bi pa'chondeccu can'jeni.” Toya'caen tsu su: “Ni antteya'bi tise ai'vo papa congoñe.” Qquen supa David'yeja tayo atesuqquia'caen Cristo papa ccase qquendyaya'chone tsu afa.

Lucas 20:42

Nane Davidja tise settapoen'cho tevaen'jenga qquen tsu su: Na'su Chigaja ña Na'sunga su: Ñai'ccu fae'ngae na'suve dapa va'ttinga dyaija ña tansinfanga

Marcos 12:36

Nane Davidja Chiga Qquendya'pa tisema in'jaensi qquen afa: Na'su Chigaja ña na'sunga su: “Ñai'ccu fae'ngae na'suve dapa va'ttinga dyaija ña tansinfanga ña quema iyiccayesundeccuma patsusi que tsu'tte tsosiccunga ccuiqquia'caen oshambipa quema paña'faya'gae.”

1 Reyes 6:1

Nane Salomónjan ccattufayi canqque'fave israendeccuma mandaye ashaemba tsu Na'su Chiga ettive tsao'ñañe ashaen. Ziv ccovu, tsa canqque'fa'su segundo ccovuni tsu ashaen. Tayo tsu cuatrociento ochenta canqque'fa pasa israendeccu Egipto'ye sombo'cho.

Tson'fa'cho 2:29

Faengasundeccu, poiyi'cco gi atesu'fa ingi tayopi'su ccashe'ye David'yeja pa. Pasi tsu tisema a'tu'fa. Nane tise'ye atu'ttima ingija toya atteye osha'fa.