Hebreo'su 1:10 - Cofán: Chiga Tevaen'jen

¹⁰ Toya'caen tsu su: Na'su, me'ttia'ye ñotsse ñoñamba qui va andeve agattoen. Sefacconi jincho'cho'qque que tivei'ccu agattoen'cho tsu.

Hebreo'su 1:10 Referans Kwoze

Génesis 1:1

Me'ttia'ye Chigaja sefacco, andeve'qque agattoen.

Isaías 42:5

Na'su Chigaja sefaccove agattoemba attajaen. Andema agattoemba tsa'ye sombo'chondeccuve'qque agattoen. A'ive'qque tsanga agattoemba qquendyaemba cansian. Qquen tsu tsaja tisema shondo'sunga su:

Zacarías 12:1

Va tsu Na'su Chiga Israelne su'cho. Nane Na'suja sefaccove attajaenqquia'caen agattoemba andeve'qque ccuiñaqquia'caen agattoen. Toya'caen tise qquendya'pai'ccu a'ima qquendyaemba cansian. Tsa agattoemba cansian'su tsu tansintsse qquen conda:

Canjaen'cho 3:14

Toya'caen Laodicea canqque'su Jesúsve in'jamba bo'fa'choma coira'sunga qquen tevaenjan: Qquen tsu tsangaeyi tson'suja su. Tsa Chiga mandaqquia'caen tansintsse conda'su, tsa pa'cco Chiga agattoen'chove agattoen'suja qquen tsu su:

Salmos 19:1

Sefacco tsu conda Chigaja ñotssiave. Nane tsani jincho'cho'qque tise agattoen'choma canjaen'fa.

Isaías 40:12

¿Majan tsu tise tivenaccui'ccu pa'cco marma ichhoi isupa agattoye oshaya? ¿Majan tsu tise tive'su tsimian'ccoi'ccu sefacco attaja'suma agattoye oshaya? ¿Majan tsu pa'cco ande'su sisipama boñamba agatto'ccoi'ccu agattoye oshaya? ¿Majan tsu ccotta'ccoma dusianccunga ppiñamba dusiancañe oshaya?

Hebreo'su 12:27

Chigaja “Toya'caen fae seyi...” qquen supa tsu pa'tssi Tise agattoen'choma oyaen catiya'chone condaye in'jan. Nane osha'cho oyaqque'suve Chiga agattoen'chota tsu joqquitssi catiyeya'cho. Tsa'ma oya'masia tsu tsangae jinchoya.