Génesis 9:25 - Cofán: Chiga Tevaen'jen

²⁵ In'jamba su: “Egae tsu tsoña Canaánga. Nane tise antiandeccu tisema mandasi me'detssia sema'suve tsu daya.”

Génesis 9:25 Referans Kwoze

Josué 9:23

qquen vana'jen'faya: Tsangae qui si'tsive accoshasundeccuve toya'caen tsa'ccuve ichhoisundeccuve dapa ingi Chiga can'jen'ttini tsa'caen sema'faya.

Juan 8:34

Jesúsja su: —Ñoa'me gi su poiyi'cco majan egae tsincon'fa'ninda egae tsincon'cho tsu tise'pa na'sia'caen tise'pama manda.

Josué 9:27

tsequi a'ta gabaondeccuma si'tsive accoshasundeccuve toya'caen tsa'ccuve ichhoisundeccuve tson cuintsu poi israendeccunga toya'caen Na'su Chiganga afeye oque'je'ttinga'qque tsa'caen semañe. Ja'ño a'tapan tsu tsa'caen semamba canse'fa.

Mateo 25:41

Tsomba tsu na'suja tise pavefani ccutsu'chondeccuma suya: “Ña'ñe joqquitssipa si'nge anchanda'je'chonga tsangae ja'faja. Cocoya na'sune tisema shondosundeccune'qque tsu si'nge anchanda'je'chove tayo ñoña. Tsama Chiga que'ima'qque chi'gasi tseni japa tsangae can'jen'faja.

Génesis 49:7

Ega tsu. Ñoa'me ega tsu que'i ttesia'caen iyicca'ye'fa'choja. Ña gi que'ima metsse attufaeña poi Israel andeni canse'faya'chove.

Génesis 9:22

Tsa'caen ccuisi Cam, tsa Canaán quitsa, tise yaya chu'cco ccui'choma atte. Attepa sombopa tise antiandeccuma conda.

Génesis 4:11

Tsa'cansi qui ja'ñojan ti'tsse vana'ma va ande'ye teyamoeñemba ñotsse isuya'bi. Nane andeja, aya'fama sharuqquia'caen que quinshin anjampama que tive'ye cu'ipa tsu quenga afeye se'piya.

Génesis 3:14

Tsonsi Na'su Chigaja canjansima su: —Queja tsa'caen egae tsincomba qui poiyi'cco aiña'cho vaura'can'ma, poiyi'cco tsampini canse'chondeccuma bove me'detsse vanaña. Nane tisu injamáccui'ccu qui mangú jacamba andema amba canseya.

Génesis 9:18

Noé dutssiyendeccu tisei'ccu tsa'o shavo'ye sombo'chondeccu tsu Sem, Cam, toya'caen Jafet. Camjan Canaán quitsa tsu.

Génesis 9:24

Ccusipa pasasi qquendyapa Noéjan in'jan tise du'shu chu'a tisema tson'choma.