Génesis 8:1 - Cofán: Chiga Tevaen'jen

¹ Tsomba tse'i Chigaja Noé, poiyi'cco tisei'ccu tsa'o shavoni can'jen'cho cansian jincho'choma'qque injan'jemba fingiama mandamoen cuintsu andema samboeñe. Fingiansi na'enjan sambaye ashaen.

Génesis 8:1 Referans Kwoze

Génesis 30:22

Tsa'ma Chigaja Raquelma injan'jemba tise iñajan'choma paña. Tsa'caen pañamba antte cuintsu du'shuve isuye.

Génesis 19:29

Tsa'caen tsu Chigaja tsa Jordán na'en sinjunccu'su canqquema sefaen cati. Abraham antianmbe du'shu Lot tseni can'jen'choma Na'su Chigaja Abrahamma in'jamba Lotma ccushaen.

Éxodo 2:24

tise tayopi Abraham, Isaac toya'caen Jacobi'ccu injancco'fa'choma in'jan.

1 Samuel 1:19

Ccaqui a'ta sinte'yi jangipa Na'su Chigama iñajan'fa. Iñajan nanimba toequi tise'pa Ramá canqque'su tsaoni ja'fa. Can'jemba Elcana Anai'ccu fae'ngae can'jensi Na'su Chigaja Ana iñajan'choma in'jan.

Éxodo 14:21

Moisés tise tivema marnga yasasi Na'su Chigaja chiga sombo'jeni'su fingiama moe. Tsa'caen moesi quian'me jipa pa'cco cose fingiamba enttinge'ye marma doña. Tsa'caen doñamba tsu Na'su Chiga enttinge marma san'ame tson

Salmos 106:4

Na'su, que aindeccuma ñotsse tson'jemba ñama aqque'pajama. Ccushaeñe ji'ta ñama'qque fuiteja

Canjaen'cho 18:5

Nane tise'pa egae tsincon'choma agattopa boñaqquia'caen Chiga sefacconi tsu nepi'fa. Chiga Quitsaja tise'pa egae tsincon'choma injan'jemba

Canjaen'cho 16:19

Nane ande oyasi tsu tsa rande canqque'qque tresve do. Poi ande'su canqque'qque osui'fa. Chiga Quitsaja ti'tsse'tssia Babilonia canqque'su egae tsincon'choma injan'jemba tsa canqquema dyo'e vanaen. Nane iyicca'yepa vanaeñe qquen supa inza'a vinoma cui'ñaqquia'caen tsu Babiloniama vanaen.

Proverbios 25:23

Chan'ditssia ande'su fingian unjima iqquia'caen tsu itoyetsse afa'su'qque faesuma iyicca'yaña.

Números 22:32

Tsa'ma Na'su Chigama sefacconi'su shondo'suja su: —¿Jongoesie qui que boroma tres se ochha'chha? Ña gi ji tsaiquima ttuye que in'jamba jayi'cho ñane ñotssimbi'si.

Jonás 4:11

Tsa'caen gi ña'qque Nínive rande canqque'su aindeccuma mendeyeya'cho. Nane tsa ciento veinte mil a'i ñoa'me'qque du'shua'caen majan ega, majan ñotssiave atesumbindeqquiama. Toya'caen tseni tsu tsain'bio aiña'cho sheque'fa. Tsendeccuma'qque gi mendeyeya'cho.

Salmos 36:6

Que ñotsse tansintsse tson'choja ccotta'cco randea'cantsse cambiambitssi. Toya'caen rande mar tsosini nepiqquia'caen tsu que tansintsse in'jan'choja nepi. Queja, Na'su, a'ima in'jamba poi va andeni jacanqque'suma'qque in'jamba coira'je.

Salmos 105:42

Nane Chigaja tisema shondo'su Abrahamga tayopi tansintsse su'choma aqque'pambi.

Génesis 9:10

Nane poiyi'cco que'i'ccu tsa'o shavo'ye sombopa can'jendeccu —chhiriria, vaura'can, poi tsampini jincho'choi'ccu'qque gi fae'ngae injancco'faya.