Génesis 6:6 - Cofán: Chiga Tevaen'jen

⁶ attepa in'jamba ñombi'ye aindeccuve tayo agattoemba. Nane Tise agattoen'chone asi'ttaemba injama'choni ñombi'yepa

Génesis 6:6 Referans Kwoze

1 Samuel 15:11

—Ñombi'ye gi Saúlma na'suve ca'niamba. Nane tiseja ñama catipa ña manda'choma pañambisi gi ñombi'ye. Samuelja Na'su Chiga su'choma pañamba injama'choni zuccopa pa'cco cose Na'su Chigama iñajan'jen.

Efeso'su 4:30

Egae canse'fajama Chiga Qquendya'pa ingine ñombi'yesa'ne. Nane ingija Cristove in'jansi Chiga Qquendya'pa ingima angacan'su tsu. Ingima qqueñambe'yi angacañe tsu in'jan ccushaeña'cho a'ta napiya'ngae.

Hebreo'su 3:10

Patsu qquen tsincon'fasi gi Ñajan tsendeccuma iyicca'yepa chi'gapa su: “Poi a'ta tsu tise'pa injama'choi'ccu Ñame in'jambipa egae tsincon'fa. Toya'caen ma'caen canseya'chone Ña condase'choma'qque atesu'fambi.”

Números 23:19

Chigaja ingi a'ia'cambipa afopoembi ni cambiaña'bi. Nane tise ma'caen su'ta tsu tsa'caen tsoña. Tise ñoa'me tsoña qquen su'ta tsu tsa'caen tson.

Jonás 3:10

Chigaja Nínive'su a'i egae tson'choma anttepa ñotsse canseye in'jan'choma atesupa ñoquipa tise'pama sefaen catiye su'choma antte.

Joel 2:13

Tsa'cansi tsu toequi Na'su que'i Chiganga shanda'faya'cho. ¡Tisu sarupama chittambe'yi que'i injama'choma chittaqquia'caen cambiaña'cho! Nane Na'suja junde iyicca'yembipa que'ima ñoa'me in'jamba mende'yepa que'inga egae tsoñe in'jambi. Tsonsi Na'suja su:

Éxodo 32:14

Moisés tsa'caen susi Na'su Chigaja tise aindeccuma dañoñe in'jan'choma antte.

Jeremías 26:19

“Miqueas tsa'caen condasesi, ¿Na'su Ezequías, Judá aindeccu'qque Miqueasma indipa fi'tti'fa ti? Me'in, fi'tti'fambi. Tsa'ma na'su Ezequías Na'su Chiga su'choma dyopa Na'suma iñajan cuintsu Judá aindeccuma mende'yeye. Tsa'caen iñajansi Na'suja tise'panga egae tsoña'chove su'choma tsombi. Nane Jeremíasma fi'tti'ninda, ¿Isha tsu Na'su Chigaja ingima ñoa'me egae tsoña?”

Salmos 106:45

Pañamba tise a'i'ccu fae'ngae injancco'fa'choma injan'jemba tise ñoa'me ti'tsse in'jan'choma canjaemba vuiquipa tise'pama ccaningae tson.

Santiago 1:17

Osha'cho ñotssia, osha'cho shaca mechoe inginga afe'chota tsu sefaccone, Chiga Quitsa afe'cho. Nane Chiga Quitsaja coejechiga, cose'suchiga, o'fema'qque sefacconi chanjuñe agattoensi agattoen'choja cambianqque'su. Tsa'ma Chigaja minga'ni'qque cambiambi.

Hebreo'su 3:17

Toya'caen ¿majama tsu Chigaja cuarenta canqque'fa pa'cco iyicca'yepa ñombi'ye? Ju, poiyi'cco egae tsincomba a'i menia pa'fa'chondeccuma tsu Chigaja tsa'caen iyicca'ye.

Malaquías 3:6

“Ña gi Na'su, cambian'masia. Tsa'camba gi que'ima nepiambi, que'i Jacob dushundeccuma.

Oseas 11:8

Efraíndeccu: ¿Ma'caen gi quema catiya? Ju, que'i israendeccu: ¿Ma'caen gi quema antteya? ¿Osha ti gi Adma canqquema sefaenqquia'caen que'ima'qque sefaeñe? Nane ¿Osha ti gi Zeboimma tsonqquia'caen que'ima'qque tsoñe? ¡Me'in! Injama'cho tsosipie que'ima ñotsse in'jansi ña in'jan'choja ccaninga tsu.

Salmos 110:4

Na'suja qquen tansintsse supa ccaningae afaya'bi: “Que qui tsangae a'ine ñama afa'suve daya. Nane Aarón'cambipa qui Melquisedec'caen daya.”

Salmos 95:10

Tsa'cansi cuarenta canqque'fave gi tsendeccuma iyicca'yepa qquen su: ‘¡Va aindeccuja ña manda'choma pañambipa tise'pa in'janqquia'caen injanga canse'fa!’

Salmos 78:40

A'i menia can'jemba tise'pa in'janqquia'caen tsain'bitsse tsomba Na'su Chigama pañambipa tisema ñoquimbian'fa.

Romanos 11:29

Nane Chigaja a'inga afepa ccase itsaya'bi. Tiseja a'ima ttu'sepa catiya'bi.

Génesis 6:7

su: “Pa'cco andema gi ccuchaya poiyi'cco ña agattoen'cho aindeccuma sefaeñe. Nane a'i, osha'cho cansepa andenga jacanqque'su, andenga manguqque'su, sefani chhajeqque'suma'qque gi ccucha fi'ttiya. Ñombi'ye gi tise'pave tayo ñoñamba.”