Génesis 50:25 - Cofán: Chiga Tevaen'jen

²⁵ Tsa'caen supa Israel dutssiyendeccuma su cuintsu ñoa'metsse su'choi'ccu tise in'janqquia'caen tsoñe qquen su'faye: “Ñoa'me gi su Chiga Quitsa jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”

Génesis 50:25 Referans Kwoze

Éxodo 13:19

Toya'caen Moisésja José'ye tsu'ttama anga. Nane José'ye toya cansuite tsu iñajan cuintsu Israel dutssiyendeccu ñoa'metsse su'choi'ccu tise tsu'ttama tsa'caen angaye su'faya'chove. Tsa'caen iñajamba su: “Ñoa'me gi su, Chiga jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”

Hebreo'su 11:22

José'qque can'jemba coenza ccashe'yeve dapa israendeccu jai'ngae Egipto ande'ye sombo'faya'chone condase. Chigave in'jamba manda cuintsu jai'ngae a'i jayi'ta tise tsu'ttama'qque angapa Canaán andeni a'tu'faye.

Tson'fa'cho 7:16

Tsa'caen pa'fasi Siquem canqqueni tise'pa tsu'ttama angapa a'tu'fa. Nane tayopi tsu Abraham tsa fattocco chango atu'ttima chava. Tise corifin'dima Siquemni'su Hamor dutssiyendeccunga afepoemba tsa atu'tti changoma chava.

Génesis 50:5

‘Ña yayaja tise paya'cho nepiji tsu ñama su cuintsu ñajan ñoa'metsse su'choma afaye tise in'jan'chove tsoñe. Nane tiseja atu'ttima Canaán andeni tayo ñoñamba tseni a'tuyeye in'jansi gi ñoa'metsse su'choi'ccu tsa'caen tsoñe su. Tsa'camba gi iñajan chigáne ñama antteja ña yayama atu'ngaye. Japa mangae a'tu nani'da gi ccase vani jiya.’

Éxodo 3:8

Tsa'camba gi vani ande egiptondeccu tson'jen'choma itsapa ccushaeñe. Nane tsa ande'ye gi israendeccuma somboemba ñotssia rande andenga angaya. Tseni tsu chocho toya'caen tuño cuñajun'cho'qque shacaya'bi. Tsa ande tsu cananeo, hitita, amorreo, ferezeo, heveo toya'caen jubuseondeccu canse'cho ande.

Éxodo 3:17

Toya'caen tsu su: Egiptondeccu vanae'jen'cho'ye gi somboemba cananeo, hitita, amorreo, ferezeo, heveo toya'caen jebuseondeccu can'jen'cho andeni angaya. Tsa andeni tsu chocho toya'caen tuño cuñajun'cho'qque shacaya'mbi.’

Éxodo 13:18

Tsa'caen in'jamba ccaru'ye a'i menia'su tsaiqui'ye angapa Cu'a marni nepian. Israendeccuja Egipto'ye sombopa osha'cho iyiccoqque'sui'ccu sundaroacan'tsse bopa ja'fa.

Rut 1:6

Toya Moabni can'jemba Noemíjan paña Na'su Chiga tise israe'su aindeccuma fuitesi anqque'su ccase atapa'choma. Tsa'caen pañamba Noemí tise dos chinai'ccu ñoña'fa toequi Beléni jiye.