Génesis 49:24 - Cofán: Chiga Tevaen'jen

²⁴ Tsa'ma Joséja tise tive quin'amba oyambitsse tise battittianccuma indipa poini battittian'jen. ¡Ñotssi tsu Jacobmbe Chiga Osha'choma Oshacho'cho! ¡Ñotssi tsu coira'sumbe inise. Tise tsu israendeccuma angacan!

Génesis 49:24 Referans Kwoze

2 Timoteoga 4:17

Tsa'ma Na'su Jesús ñai'ccu can'jemba tsu ñama quiñaen. Quiñaensi gi a'tatsse pa'cco Jesucristone ñotsse condase'choma conda. Condasesi tsu poiyi'cco israembindeqquia'su nasundeccu'qque paña'fa. Tsa'caen tsu Na'su Jesúsja fi'ttiya'chone ñama ccushaen ttesinga cati'je'fa'choma ccushaenqquia'caen.

Efeso'su 2:20

Chigaja tayopi'su Chiga Aya'fama afasundeccuma, toya'caen Jesúsne afasundeccuma'qque in'jamba dyaiña'cho patunga tsao'ñaqquia'caen tsendeccunga Tise aindeccuve ti'tsse atapoen. Tsomba tsa'ove tsao'ñañe chan'jime dyaiña'cho patu ti'tsse joccapiqquia'caen Jesucristoja Chiga aindeccuma ti'tsse joccapitssia tsu.

Salmos 118:22

Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da.

Génesis 45:5

Tsa'ma chigáne ñoquimbi'fajama ni tisupama iyicca'ye'fajama ñama chavaen'chone. Nane Chiga Quitsa tsu ñama manda que'ima o'tie vani jipa que'ima ccushaeñe.

Colosa'su 1:11

Chigaja osha'choma oshachopa a'tatssia've tson'jen. In'jan'fa gi Chiga Tise quin'sui'ccu que'ima oshaensi qui vana'je'an'qque quiñamba dyombe avujatsse canse'faya.

Romanos 14:4

¿Micomba qui que'ija faesumbe sema'suja ega qquen su'fa? Nane sema'su shaca'ta, shacambi'ta, tise na'su tsu tisene in'jamba afa'su. Tsa'cansi tsu Na'su Cristo tise a'ima fuitepa shaca mechoe antteye osha.

Tson'fa'cho 4:11

Que'ija Jesúsma fi'ttipa qui tsaoñasundeccu patuma joqquitssian catiqquia'caen tson'fa. Nane tsa'caen joqquitssian'fa'cho patu tsu ja'ñojan chan'jime ccutsiaña'chove da.

Lucas 20:17

Tsa'ma Jesús tise'pama camba qquen su: —Tsa'cambian'da jongoesie tsu Chiga Tevaen'jenjan qquenda su: Tsaoñasundeccu joqquitssian'fa'cho patu tsu Ñoa'me ti'tsse injienge'cho patuve da.

Marcos 12:10

Can'fambi ti qui Chiga Tevaen'jen qquen su'choma: Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da.

Mateo 21:42

Qquen susi Jesús tise'pama su: —¿Can'fambi ti qui Chiga Tevaen'jen tsane qquen su'choma? Qquen tsu su: Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da. Tsa'caen tsu Na'suja tson. Ingija attepa can'boemba “Ñotssi tsu” qquen asi'ttaen'fa.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Salmos 89:1

Na'su, tsangae gi que ingima ñotsse in'jan'chone settapoen'jeña. Queja que tansintsse suqquia'caen ño'ame tsonsi gi anttembe'yi ña aya'fai'ccu tsane condase'jeya.

Salmos 23:1

Ñajan oveja'cansi Na'su tsu ñama coira'su. Tsa'cansi shacaya'bi gi.

Deuteronomio 34:9

Nane Moisés tisu tivei'ccu Nun dutssi'ye Josuénga pporaensi Josuéja osha'chove in'jan'cho qquendya'pai'ccu mandasi israendeccu tisema pañamba Na'su Moisésnga mandaqquia'caen tson'fa.

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Génesis 50:21

Tsa'cansi dyombe can'faja. Ña gi anqque'suma afe'jeya que'inga toya'caen que'i dushundeccunga'qque.

Génesis 47:12

Toya'caen Joséja anqque'suma'qque poiyi'cco tise antiandeccunga afe'je. Nane mañi'cco a'i fae ettini can'jen'chonga tsa'caen tsu afe'je.

Génesis 45:11

Vani gi quenga, que etti'sunga, poiyi'cco que'i'ccu canjensundeccunga anqque'suma afeya cuintsu que'i jongoesuve shacambitsse canse'faye. Nane toya tsu cinco canqque'fa pa'cco qquipoesuite jinchoya.’

Génesis 45:7

Tsa'ma Chigaja que'ima o'tie ñama vani moe cuintsu ña tsonsi ingi dushundeccu ccushapa canse'faye; toya'caen tsain'bio que'i'suma ccushaeñe.

Génesis 48:15

Tsa'caen pporaen'chopa Josénga ñotsse tsoña'chove qquen afa: “Chiga Quitsa, ña yayandeccu Abraham'ye toya'caen Isaac'ye quema ñotsse pañamba canse'fa. Que qui ñama isu'cho a'ta ashaemba ja'ñoa'ngae ñama ñotsse coira'je.

Génesis 49:23

Battittiansundeccu tsu tisema chi'gapa noñangiamba pa'cco a'ta battittian'jen'fa.

2 Samuel 5:2

Nane Saúl ingi na'suite'qque qui queja ñoa'me Israel gera iyicco'je'choma manda'je. Toya'caen tsu Na'su Chigaja quenga ñoa'me conda que jai'ngae israendeccuma mandapa ande na'suve daya'choma.”