Génesis 48:17 - Cofán: Chiga Tevaen'jen

¹⁷ Tsa'ma Josénejan tsa'caen tise yaya tansinfa'su tivei'ccu Efraín tsovema pporaen'choja ega qquen in'jan. Tsa'caen in'jamba tise yaya tivema indi, Efraín tsove'ye itsapa Manasés tsovenga indiañe in'jamba.

Génesis 48:17 Referans Kwoze

Génesis 48:14

Tsa'ma Israelja tise tivema avujaccove yasapa tansinfai'ccu Efraín, tsa chu'ambe tsovema pporaen. Toya'caen pavefai'ccuja Manasés, tsa aisheve isu'chombe tsovema pporaen.

Romanos 9:11

Tsa'ma toya isumbi'te, nane du'shu ni ñotsse ni egave tsombi'te, Chigaja Tisu in'jan'choma canjaeñe in'jamba Rebecama su: “Coenza tsu chu'ama shondocaña.” Toya'caen cca'tti Chiga Tevaen'jengae Chigaja su: “Jacobma in'jamba gi Esaúma chi'ga.” Chigaja toyi'te tsa'caen in'jamba su'chopa tsa'caen tson. Nane a'i tson'jen'choma in'jambipa Tisu majame in'jamba tsu ttu'se.

1 Reyes 16:25

Omri'qque egae tsinconsi Na'su Chigaja tisema in'jambi. Nane tisema o'tien'su nasundeccuma ti'tsse egave tsu tsincon.

1 Samuel 16:7

Tsa'ma Na'su Chigaja tisema su: “Ni tise camba'ju ni tise quin'suma canjama. Nane tayo gi tisema joqquitssian, a'i canqquiacambi tsu ña a'ima caña'jen'cho. Nane a'ija camba'juma caña'jen. Tsa'ma ñajan a'i injama'cho'su in'jan'choma caña'jen.”

Números 22:34

Tsa'caen susi pañamba Balaamjan Na'suma sefacconi'su shondo'suma su: —Que tse'tti ccutsupa tsaiquima ttu'je'chove atesumbipa gi egae tson. Tsa'caen ña jayi'cho egamajan shandaya gi.

Números 11:1

Fae a'ta israendeccuja Na'su Chigama afaseye ashaen'fa tisupa ma'caen can'jen'chone. Tsa'caen afase'fa'choma pañamba Na'su Chigaja iyicca'yepa si'ngema moesi pa'cco tise'pa can'jen'cho utufa'ye setsa.

Génesis 38:10

Tsa'caen tsinconsi Na'su Chigaja tise tsincon'choma chi'gapa Onánma'qque fi'tti.

Génesis 28:8

Tsama'qque attepa tsu Esaúja in'jan tise yayaja in'jambi Canaán'su pushesundeccuma.

Génesis 48:18

Indipa su: —¡Me'in, qquen tsonjama, yaya! Va tsu coenza. Vambe tsovenga tansinfa'su tivei'ccu pporaenjan.