Génesis 47:9 - Cofán: Chiga Tevaen'jen

⁹ Jacobja su: —Tayo gi ciento treinta canqque'fa va andeni jacamba canse. Nane re'riccoe vana'jen'ma canse. Tsa'ma toya gi ña tayopi'su coenzandeqquia'caen nepiaña'cho shaca.

Génesis 47:9 Referans Kwoze

Génesis 35:28

Isaacja ciento ochenta canqque'fave an'biamba coenza ccashe'yeve dapa pa.

Deuteronomio 34:7

Ciento veinte canqque'fave an'biamba tsu pa. Tsa'ma tise tso'fe toya ñotssiyi tise'qque toya quinse'tssiyi pa.

Éxodo 7:7

Tsa'caen faraóin'ccu afajei'te Moisésja ochenta canqque'fave an'bian. Toya'caen Aarónjan ochenta y tres canqque'fave an'bian.

Génesis 50:26

Joséja ciento diez canqque'fave an'biamba Egiptoni pa. Tsa'caen pasi tise ai'voma tseni'su balsa'mo ñome'bai'ccu onjoemba cafonga ppiña'fa.

1 Pedro 2:11

Ña in'jan'chondeccu, que'ija ccane ji'chondeqquia'caen tisu andeni can'jen'fambi. Que'ima gi iñajan ai'vo in'jan'choma in'jan'fajama. Tsa'caen in'jan'cho tsu que'i injama'choma iyiccoen'su.

Santiago 4:14

Ni atesu'fambi qui tu'i ma'caen tisu daya'chove. ¿Jongoesu tsu ingi canse'choja? Ñoa'me ccuttopa'sia'can'fa gi. Ccuttopa'sija jangi'a'qque biasembitsse pasaya.

Génesis 47:28

Jacobja diez y siete canqque'fa pa'cco Egiptoni cansepa ciento cuarenta y siete canqque'fave nepian.

Génesis 11:11

Omboe Semjan faesu quiniento canqque'fave can'jemba ti'tsse tsu tsandie, pushesu du'shuve an'bian.

Hebreo'su 13:14

Nane va andeni gi tsangae can'jen'faya'bi. Tsa'ma jai'ngae Chigai'ccu tsangae canse'faya qquen in'jamba gi avujatsse ronda'je'fa.

Génesis 5:27

Nane noveciento sesenta y nueve canqque'fave can'jemba tsu pa.

2 Corinto'su 5:6

Tsa'caen in'jamba gi dyombi'tsse canse'fa. Va ai'voi'ccu can'jemba gi in'jan'fa Na'su Jesúsi'ccu toya fae'ngae can'jembi.

Génesis 47:8

Chigambiansi faraónjan iñajampaña: —¿Mañi canqque'fave qui an'bian?