Génesis 42:2 - Cofán: Chiga Tevaen'jen

² Ñanda gi paña Egiptoni trigo jinchoma. Tseni japa trigoma chava'faja ingi qquipoe'supa pa'fasa'ne.

Génesis 42:2 Referans Kwoze

Génesis 43:8

Tsonsi Judája tise yaya Israelnga su: —Poiyi'cco ingi canseccaye in'jan'da antteja cuintsu quinshin ña coirasi jacañe. Tsayita gi junde ja'faya. Tsa'caen tson'da gi ni que, ni ingi, ni ingi dushundeccu'qque pa'faya'bi.

Mateo 4:4

Tsa'ma Jesúsja su: —Chiga Tevaen'jeni qquen tsu tevaen: “Aqquia'yi anqque'suma amba a'ija canse'faya'bi. Tsa'ma Chiga Aya'fa a'ima in'jaensi tsu canse'faya.”

Génesis 45:9

Junde ña yaya can'jeni ja'faja. Japa tisenga su'faja: ‘Qquen tsu que dutssi'ye Joséja su: Chiga mandasi gi pa'cco Egipto ande'su na'suve da. Jundeyi ñani jija.

Génesis 43:4

Tsa'cansi cuintsu Benjamín ingi'ccu jaye que antte'ninda gi japa trigoma chavanga'faya.

Génesis 43:2

Jacob tise dutssiyendeccu'qque Egiptone anga'cho trigoma sefaen'fa. Sefasi Jacobja su: —Ccase japa re'ricco trigove chavanga'faja poiyi'cco ingimbe.

Tson'fa'cho 7:12

Tsa'ma Jacobja “Egipto andeni trigo jin” qquen pañamba me'ttia'ye aisheve Egiptoni ingi tayopi'su coenzandeccuma mandamoen.

Génesis 42:3

Tise yaya tsa'caen mandasi diez José antiandeccu tisupanaccu Egiptoni trigove chava'su ja'fa.