Génesis 42:1 - Cofán: Chiga Tevaen'jen

¹ Jacobja Egiptoni trigo jinchoma pañamba tise dutssiyendeccuma su: —¿Micon'jemba qui aqquia tisupanaccu camboencco dyai'fa?

Génesis 42:1 Referans Kwoze

Tson'fa'cho 7:12

Tsa'ma Jacobja “Egipto andeni trigo jin” qquen pañamba me'ttia'ye aisheve Egiptoni ingi tayopi'su coenzandeccuma mandamoen.

Josué 7:10

Tsonsi Na'suja Josuéma su: —¡Jangija! ¿Jongoesie qui tsa'caen andenga puntssan?

Galacia'su 2:7

Tsendeccuja ti'tsse mandambipa qquen tsu in'jan'fa: Chiga Pedroma in'jaemba mandasi tsu Pedroja va ñotsse condase'choma israendeccunga condase. Tsa'caeñi Chigaja Pabloma'qque in'jaemba mandasi tsu israembindeqquianga condase, qquen tsu in'jan'fa.

1 Reyes 19:3

Elíasja tsama pañamba dyopa ccuyain ja tisuma ccushaeñe. Nane Judá ande'su Beersebani japa tseni tisema shondo'suma cati.

Éxodo 20:18

Poiyi'cco israendeccu tsu tsa tsanda veyaemba afa'choma, tsonjen'cho jen'choma, toya'caen ccotta'cco'ye onfen'ba sombo'choma attesundeccu. Tsa'ma tsama attepa ñoa'me dyopa tse'ttie joqquitssi'cca'fa.

Éxodo 5:19

Tsa'caen tayoe ladriyove nanijenqquia'caen tsu nani'faya'cho qquen susi semoen'su israendeccuja ñoa'me osha'masia sema'ba qquen in'jan'fa.

Génesis 42:2

Ñanda gi paña Egiptoni trigo jinchoma. Tseni japa trigoma chava'faja ingi qquipoe'supa pa'fasa'ne.

Génesis 41:57

Poi andenga tsa'caen dasi tsenisundeccu'qque Egiptoni ji'je'fa José an'bian'cho trigoma chavaye.

Génesis 41:54

siete canqque'fa pa'cco qquipoesuiteve daye ashaen ma'caen José suqquia'caen. Tsa'caen dasi Egiptoniñi anqque'su jinsi a'i an'fa. Tsa'ma poi faesu andeni tsu qquipoe'su'fa.