Génesis 39:4 - Cofán: Chiga Tevaen'jen

⁴ Tsa'caen attepa Joséma ñotsse in'jamba tisema fuite'suve tsomba tise tsa'o na'suve'qque tson. Tsa'o na'suve tsomba pa'cco tisu an'bian'choma tisenga antte cuintsu mandaye.

Génesis 39:4 Referans Kwoze

Tson'fa'cho 20:28

Tsa'cansi injama'tse tisupa qquesa'ne. Tansintsse atesiamba poiyi'cco Jesúsve in'jamba bo'je'chondeccuma ñotsse coira'faja. Nane Na'su Jesúsja tisu anjampai'ccu tayo tsendeccuma ccushaen. Tsendeccuma tsa'caen ccushaensi Chiga Qquendya'pa que'ima ttu'sepa manda tsendeccuma coira'suve da'faye.

Génesis 39:8

Tsa'ma Joséja in'jambipa qquen su: —Que canjan, ña na'su tsu pa'cco tise an'bian'choma ñanga antte tsama ña coiraye. Ña vani can'jensi tiseja jongoesuve asi'ttaemba manda'jembi.

Génesis 24:2

Tsa'caen dapa tsu tisema shondo'su ti'tsse coenzama ttu'se. Tsaja pa'cco tise tsa'o'suma, pa'cco tise an'bian'choma'qque coira'su tsu. Tisema ttu'sepa su: —Que tivei'ccu ña ttena'go tsosiccufama pporaemba

Génesis 19:19

Que'i ñama ñotsse tsomba mende'yepa ccushaen'fa. Tsa'ma oshambi gi ccotta'cconga buttoye. Nane ña toya nepimbi'te Chiga Sodomama sefaen cati'ninda gi paya.

Génesis 33:10

Tsa'ma Jacobja ccase su: —Me'in, que ñama ñotsse in'jan'da, chigáne tsa afe'choma isuja. Nane que tayo ñama ñotsse chigambiamba in'jansi gi avujatsse Chigama atteqquia'caen quema atte.

Génesis 18:3

su: —Ña na'su, chigáne va'tti re'riccone dyaiccaja.

Génesis 33:8

Tse'faei'ccuyi Esaúja iñajampaña: —¿Ma'caen tsoñe qui in'jan tsa tsain'bitssi naccuve ña jiñamba atte'choma? Tsa'caen iñajampañasi Jacobja su: —Tsata tsu que ñama ñotsse tsoñe afe'je'cho.

Génesis 32:5

atapoemba an'bian tsain'bio vaura, boro, oveja, sema'su tsandiendeccu, toya'caen sema'su pushesundeccuma'qque. Ña na'sunga gi tsa'caen su'faya'chove mandapa moe. Ronda'jeya gi que jisi mingae tsombe'yi avujatsse cachuiccoye.”

Génesis 15:2

Tsa'ma Abramjan tisema su: —Na'su Chiga, ¿jongoesune tsu bare ña osha'choma injan'tsse isuye? Ñajan dutssi'yeve me'choa gi. Nane Queja ñanga du'shuma afembisi me'cco pa'ninda tsu tsa Damasco canqque'su Eliezer–ñambe sema'su a'i–pa'cco ña an'bian'choma isuya.

1 Reyes 16:9

Nane tise sundaro caroma enttingeve na'su tsu Zimri qquen inisecho'cho. Tsa tsu faesundeccui'ccu ñoña'fa ma'caen Elama fi'ttiya'chove. Tsa'caen tson'jen'fa'ni fae a'ta Elaja Tirsani can'jemba tise tsa'o na'su Arsambe tsaoni ja. Tseni japa Arsai'ccu cui'jepa ñoa'me ccusi.

Rut 2:6

Tise mandasi taiña'suja su: —Tsata tsu Moabita'su pushesu, voeyi Noemí'ccu Moab andene ji'cho.

Proverbios 3:4

Tsa'caen cansesi tsu Chiga, toya'caen faesu aindeccu'qque quema in'jamba que ñotssia inisema injan'jen'faya.