Génesis 34:25 - Cofán: Chiga Tevaen'jen

²⁵ Tsa'ma tres a'ta pasasi Jacob dutssiyendeccu, Simeón, toya'caen Leví, tsa Dina quindyandeccu tsu canqqueni ja'fa. Toya tsandiendeccu tise'pama chhiyitevaen'cho iñesi jangiye osha'fambisi matichi'ccu poiyi'cco tsendeccuma fittitti'fa.

Génesis 34:25 Referans Kwoze

Josué 5:8

Poiyi'cco tsa'caen chhiyitevaengepa tsu tise'pa carpani can'jen'fa ccushaya'ngae.

Josué 5:6

Nane israendeccu cuarenta canqque'fave a'i menia jacamba poiyi'cco Egiptone sombo'cho tsandiendeccu, sundarove ca'niñe nepi'chondeccuja, tayo pa'fa. Nane tise'pa tayopi'su coenzandeccunga Na'su Chigaja andema afeye su, chocho toya'caen tuño cuñajun'cho'qque shacambitssia andema. Tsa'ma tsendeccu ñotsse pañambisi Na'suja tsendeccuma ñoa'me su'choi'ccu su cuintsu tise afeye su'cho andema attembe'yi pa'faye.

Números 31:17

Tsa'cansi va pushesundeccuma'qque poiyi'cco majan tsandiendeccui'ccu can'jen'fa'choma fitti'ttiya'cho, poi tsandie du'shuma'qque.

Números 31:7

Tsa'caen japa madiandeccui'ccu iyiccopa pa'ccoma sefaen'fa Na'su Chiga Moisésnga mandaqquia'caen.

Génesis 34:26

Nane matichi'ccu Hamor, tise dutssi'ye Siquema'qque fi'ttipa Dinama Siquem tsa'o'ye somboemba anga'fa.