Génesis 31:19 - Cofán: Chiga Tevaen'jen

¹⁹ Jacob tsa'caen jaye ashaenqui Labánjan biani can'jen tise oveja tosema chattu'su japa. Tsa'caen biani jacansi Raquelja tise yaya an'bian'cho ñoña'cho chigama cca'namba anga.

Génesis 31:19 Referans Kwoze

Génesis 31:30

Tsa'ma pashaen tisu yayani jaye in'jamba jayi'a'qque, ¿jongoesie qui ña chigandeccuma cca'namba i?

Génesis 35:2

Tsa'caen susi pañamba Jacobja tisu antiandeccu toya'caen poiyi'cco tisema fuitesundeccuma'qque qquen afa: —Pa'cco que'i an'bian'cho faesu chigama somboemba catipa tisupa'qque onjomba faesu giya'tssiama ondiccu'faja.

Génesis 31:34

Toya ca'nimbi'ta Raquelja tsa chigandeccuma cameyonga ottaemba dyai'je'chombe tsosiccufa'su bosanga ppiñamba tsambe ombanga dyai. Labánjan tsa'caen ca'nimba pa'cco tsa'oma tta'tta'ma attembi.

Génesis 31:32

Tsa'ma majan va'tti canjen'su que chigandeccuma an'bian'da, ¡cuintsu paja! Nane ingi antiandeccu tsu paña'jen'fa. ¡Tta'ttapa atteja jongoesu quembema ña an'bian'chove! Tsa'ma Jacobja Raquel tsa chigandeccuma cca'na'chove atesumbipa tsa'caen su.

Génesis 31:20

Tsa'caen tsu Jacobja arameo ande'su Labánga tisu jaya'choma condambe'yi ja.

Génesis 31:35

Tsonsi Raquelja su: —Yaya, ñama iyicca'yejama que caña'jen'ni jangiye oshambi gi tisu ñotssimbipa. Labán tsa'caen pa'cco ettima tta'tta nani'ma tisu chigandeccuve attembisi

1 Samuel 15:23

Chiga su'choma chi'ga'cho tsu cocoyama iñajanqquia'caen tson'cho. Tisuyi in'jan'cho tsu ñoña'cho chigama in'janqquia'caen tson'cho. Nane que tise su'choma chi'gasi tsu quema ande na'suve an'biañe chi'ga.

2 Reyes 23:24

Toya'caen poiyi'cco coragandeccu, poi aiyai'ccu condasesundeccuma'qque joqquitssipa, poi aindeccu tsaoni jincho chipiri chigandeccuma somboemba sefaen. Nane osha'cho Judá toya'caen Jerusaléni'su egae jincho'choma'qque tsangae nepian. Tsa'caen tsu tson Chigama afa'su Hilcías Na'su Chiga ettinga atte'cho tevaen'jen manda'chove nanitsse tsoñe.

Génesis 24:38

Tsa'ma ña yaya'ye antiandeccuni japa ña antian'su pushesundeccu'su pushesuve tta'ttaja cuintsu tsama pusheye.’

Génesis 38:13

Tamarja tise quitsa ccashe'ye Timnatni tise ovejandeccu tosema chattu'su jayi qquen pañamba