Génesis 30:27 - Cofán: Chiga Tevaen'jen

²⁷ Tsa'ma Labánjan su: —Chigáne ti'tsse ñai'ccu can'jenjan. Nane asi'ttaemba gi in'jan que ñai'ccu can'jensi tsu Na'su Chigaja ñama ñotsse tson.

Génesis 30:27 Referans Kwoze

Tson'fa'cho 7:10

tise vana'jen'choma pasaen. Tsa'caen fuitepa Chiga in'jaensi José osha'choma atesuchosi Egipto'su na'su, Faraónjan tisema in'jan. Nane Faraónjan Joséma in'jamba na'su quini'cco'pave tson. Nane Egipto ande'su governarorve, Faraón tsa'o na'suve'qque tson.

Rut 2:13

Pañamba Rutja su: —Ña na'su, queja ña quema shondo'suma ñotsse afasi gi opatsse canseya. Ñoa'me nepimbi gi quema shondoye. Tsa'ma avujatsse gi que ñotsse afa'choma in'jan.

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Éxodo 3:21

Toya'caen gi egiptondeccunga tsoña cuintsu israendeccu sombo'je'ninda ñotsse camba moe'faye. Tsa'caen camba moesi tsu me'cco jambe'yi osha'choma anga'faya.

Génesis 12:3

Majan quema in'jamba ñotsse afa'ninda gi tise'pama ñotsse tsoña. Tsa'ma majan quema afase'ninda gi tise'pama egae tsoña. Nane quei'ccu tsu poi ande'su aindeccuja Ña ñotssiama isu'faya.”

Génesis 47:25

Tsama pañamba tsendeccuja su'fa: —¡Queja ño'amba ingima ccushaensi gi avujatssi'fa faraónmbe tsangae semasundeccuve daye!

Génesis 33:15

Tsonsi Esaúja su: —Ñotssi tsu. Tsa'ma antteja ñai'ccu ji'cho aindeccu'suma quenga catiye cuintsu quema fuite'faye. Tsa'ma Jacobja su: —Me'in, quema noñangiañe in'jambi gi.

Génesis 30:30

Ña jimbi'teja re'riccoe an'bian'choma gi tsain'bitsse atapoen. Nane ña jisi tsu Na'su Chigaja ja'ño pan quema ñotsse tson'jen. Tsa'ma, ¿minga'ni gi tisumbetsseja semaña?

Génesis 18:3

su: —Ña na'su, chigáne va'tti re'riccone dyaiccaja.

Daniel 1:9

Chiga tisema in'jaensi na'su tsa'oma coira'su na'suja ñotsse Danielma

Números 11:15

Nane ñoa'me ñame in'jan'cho'ta panshaen tsa'caen ñama tsinconsa'ne junde ñama fi'ttija. Tsa'caen da'ta gi ti'tsse ña vana'jen'choma vanaña'bi.

Génesis 34:11

Toya'caen Siquem'qque Dina yayanga, pushesu antiandeccunga'qque su: —Chigáne ñama in'jamba que'i antianma ñanga afe'faja. Jongoesuve in'jamba iñajan'ninda gi afeya.

Isaías 6:13

Mapán enttinge'cco a'i, fae chongayi'cco tsa andeni toya can'jen'ni'qque gi tise'pama'qque sefaeña. Tsa'ma quini'ccoma ttuttusi toya tsu setsa'choja andeni jin. (Ñame in'jan'chondeccu tsu tsa'ye sho'yoqquia'caen ccase atapa'faya.)”

Salmos 1:3

Tsa a'ija naifa'su quini'jian'can tsu. Nane na'en otafanga jonsi tise naite nambe pasa'jembi ni tise najen'qque pandipa sheque'jembi. Pa'cco tise tson'jen'cho tsu ñotsse sombo.

Nehemías 2:5

qquen na'sunga su: —Que Ti'tsse'tssia ñame in'jan'da, toya'caen ña ja'ño iñajan'cho ñotssisi in'jan'da, chigáne ñama manda moejan Judá andeni, ña yayandeccu'ye ccui'fa'cho canqqueni, ña japa ccase tsesuve ñoñañe.

Nehemías 1:11

Chigáne Na'su, ña quema iñajansi, toya'caen quema shondosundeccu iñajansi, pañamba tsa'caen tsonjan. Nane avujatsse gi quema ñotsse afa'je'fa. Toya'caen ña na'suni japa iñajansi tisema in'jaenjan cuintsu ñame in'jamba ña iñajan'choma afeye.”

Números 11:11

Na'su Chiganga qquen su: —¿Jongoesie qui ñajan que shondo'suma qquen egae tson? ¿Ma'caen in'jamba qui ña va aindeccuma angacaña'chove manda?

Génesis 44:5

Tsa tasanga tsu ña na'suja cu'ipa camba ma'caen daya'chove atesu'je'cho. ¡Ñoa'me egave qui tson'fa!”