Génesis 3:19 - Cofán: Chiga Tevaen'jen

¹⁹ Poipa'sui'ccu quian'me semamba qui que cui'ccuma cu'i'faya. Nane papa queve ñoña'cho andeve ccase daya'ngae qui tsa'caen vana'jeña. Nane andema ñoña'chopa qui ccase andeve daya.

Génesis 3:19 Referans Kwoze

Génesis 2:7

Tsa'caen tssipoensi Na'su Chigaja andema mandyiccoemba a'ive ñoña. Ñoñamba tsofatunga tise qquendya'pama ufapa tisema qquendyaen. Tsa'caen qquendyaen a'imajan.

Efeso'su 4:28

Tayoe ccana'su cca'nambe'yi canse'faya'cho. Tisu tivei'ccu semamba osha'cho ñotssiave ñoñamba canse'faya'cho. Tsa'caen semamba ganamba va'chandeccuma fuite'faya'cho.

Génesis 18:27

Toya'caen tsu Abrahamjan su: —Queja Chiga. Ñajan aqquia a'i gi. Tsa'ma ña injanga qquen afasi ñama iyicca'yejama.

Daniel 12:2

Toya'caen tsain'bio papa atuye'chondeccu ccase qquendyapa majanda tsangae tsu canse'faya. Tsa'ma majanda ansangepa tsangae tsu vana'jen'faya.

Salmos 22:15

Tsa'o'su ccaque coe'jesi sambaqquia'caen tsu ña aya'faja samba. Ña menzanza'fa'qque santsse dapa aya'fanga setsa. Ñajan tayo papa andenga ccuiqquia'caen ccuisi qui ñama cati.

Génesis 23:4

—Ñajan faesu ande'su que'i'ccu can'jemba gi asi'ttaen: Chigáne a'ima atuqque'su fattocco changoma ñanga chavaen'faja ña pushema tsanga a'tuye.

2 Tesalónica'su 3:10

Toya'caen quei'ccu can'jemba gi qquen manda'fa: Majan semañe in'jambi'ta ambe'yi can'jen'faya'cho.

Salmos 103:14

Ande'su ccuttopa'sima agattoen'chove in'jamba ingija aqquia ñoña'cho qquen atesupa in'jan.

1 Tesalónica'su 2:9

Faengasundeccu, ¿injan'jen'fambi ti qui ma'caen ingija vanamba semamba canse'fa? Nane a'ta cose'qque gi ingi anqque'suve sema'fa majameñi'qque noñangiambe'yi que'inga Chigane ñotsse condase'choma candusiañe.

Job 19:26

cuintsu ña ai'vo'su na congoña'cca'ni'qque toya camba'jui'ccu Chigama atteye.

Job 1:21

su: —Chu'cco gi va andenga isuye. Toya'caen pa'ta gi chu'cco jaya. Na'suyi tsu pa'ccoma ñanga afe. Toya'caen Na'suyi tsu ñama itsa. ¡Ñoa'me ñotssia tsu Na'su Chigaja!

1 Corinto'su 15:47

Tseyi agattoen'cho a'ija va ande'su tsu. Va andema ñoña'cho tsu. Tsa'ma omba'su a'ija sefacconi'su –ingi Na'su tsu.

Hebreo'su 9:27

Nane poiyi'cco a'i tsu fae seyi pa'faya'cho. Tsa'caen pasi tsu Chigaja Tise'pa canseite tsincon'chone afaya.

Génesis 3:18

Ñoa'me tsu nopa'siyi atapaya. Tsa'cansi qui vanamba tta'ttapa aqquia sho'yo'cho tetachoma taipa an'faya.

Génesis 5:5

Nane noveciento treinta canqque'fave can'jemba tsu pa.