Génesis 29:31 - Cofán: Chiga Tevaen'jen

³¹ Na'su Chigaja Jacob Leama chi'ga'choma attepa tisenga tson cuintsu du'shuma isuya'chove. Tsa'ma Raquelmajan dusumbive tson.

Génesis 29:31 Referans Kwoze

Mateo 10:37

Majan a'ija tise yayama, tise mamama ñama ti'tsse in'jan'da ñotssimbi tsu ña a'ive daye. Majan tise dutssi'yema, tise onque'ngema ñama ti'tsse in'jan'da ñotssimbi tsu ña a'ive daya.

1 Samuel 1:5

Tsa'ma Anama ñoa'me ñotsse in'jamba tisengaja ti'tsse injan'tsse afe. Nane Na'su Chiga Ana du'shuve isuye anttembi'ni'qque toya tsu Elcanajan Anama ti'tsse in'jan.

Éxodo 3:7

Tsa'ma Na'su Chigaja ti'tsse afapa su: —A'tatsse gi atte ña aindeccu Egiptoni vana'jen'fa'choma. Toya'caen gi paña tise'pa ñombi'yepa fundo'je'choma semoesundeccu tise'pama vanae'jen'fasi. Ñoa'metsse gi atesu tise'pa ñombi'ye'je'choma.

Génesis 29:30

Jacobja Raquelma'qque pushepa tise've Leama ti'tsse in'jamba faesu siete canqque'fave Labánmbe sema.

Juan 12:25

Majan a'i tisuma in'jan'da tsu tisuma qqueñaña. Tsa'ma majan a'i tisu vani canse'choma chi'ga'ta tisuma an'bianqquia'caen tsu tsangae canseya.

Lucas 14:26

—Majan a'i ñani ji'ta cca'ima tsu chi'ga'faya'cho. Nane tisu yaya, tisu mama, tisu pushe, du'shu, quindyandeccu, quinshingendeccu, shesheyendeccu, quetteyendeccu, nane tisuma'qque chi'gambi'ta ñoa'me ñama shondo'suve daye oshambi.

Lucas 1:7

Elisabetja du'shuve isumbe'yi coenza ccasheve da. Zacarías'qque ccashe'ye.

Génesis 30:22

Tsa'ma Chigaja Raquelma injan'jemba tise iñajan'choma paña. Tsa'caen pañamba antte cuintsu du'shuve isuye.

Génesis 27:41

Isaac Jacobma ñotsse tsoña'chove afasi Esaúja Jacobma chi'gapa qquen asi'ttaeñe ashaen: “Junde tsu ña yaya pasi i'naña'cho. I'na pasapa gi ña quinshin Jacobma fi'ttiya.”

Génesis 25:21

Rebeca du'shuma isuye oshambisi Isaacja Na'su Chigama iñajan tise pushene. Iñajan'choma Chigaja pañasi Rebecaja surie da.

Malaquías 1:3

Esaúma chi'ga. Chi'gapa gi tise ccotta'cco'su andema'qque a'i meniame tson. Nane tise an'bian'cho andeni tsu tsampi'su injansu jacan'fa.”

Mateo 6:24

Sema'suja dos na'suma shondoye oshambi. Nane fa'ema chi'gapa faesuma tsu in'jaña. Tsambi'ta fa'ema ñotsse in'jamba faesuma tsu chi'gaya. Chigama in'jamba que'i corifin'dima'qque fae'ngatsse in'jañe osha'fambi qui.

1 Samuel 1:27

Va du'shuve Chigama iñajansi tsu Na'su Chigaja ñama pañamba ña iñajan'choma ñanga afe.

1 Samuel 1:20

In'jansi Anajan surie da. Isuya'cho nepisi Anajan tsandie du'shuve isu. Isupa tisema inisian Samuelve. Nane Samuel qquenda tsu “Na'su Chiganima iñajan'cho” qquen su.

Génesis 16:1

Abram pushe Saraija du'shuve isuye oshambi. Tsa'ma tise'be sema'su pushesuve an'bian, egipto'su pushesu, Agar, qquen inisecho'choma.

Tson'fa'cho 7:8

Qquen supa Chigaja fae'ngae injancco'faya'chone Abrahamnga afa. Qquen afapa ttonoma chhiyitevaemba canjaeña'chove conda. Tsa'caen paña'chopa Abrahamjan tise dutssi'ye Isaacma isusi ocho a'tangae ttonoma chhiyitevaen. Toya'caen Isaac'qque coemba tise dutssi'ye Jacobma isusi tsa'caeñi tson. Jacob'qque coemba tsa'caeñi tson tise doce dutssiyendeccuma. Tsa doce tsu ingi tayopi'su israe'su ccasheyendeccu.

Génesis 29:32

Leaja surive dapa fae tsandie du'shuve isu. Isupa su: “Na'su Chigaja ña ñombi'ye'choma atte. Tsa'cansi ja'ño tsu ña tsa'nduja ñama in'jaña.” Tsa'caen supa tsu tsa du'shuma inisian Rubén.

Génesis 35:23

Leanga du'sian'cho tsu aisheja Rubén, tse'ttija Simeón, Leví, Judá, Isacar toya'caen Zabulón.

Rut 4:13

Tsa'caen tsu Boozja Rutma pushe. Fae'ngae can'jensi Na'suja antte cuintsu Rut surie dapa tsandie du'shuve isuye.

Génesis 11:30

Saraija du'shuve isuye oshambipa du'shuve me'cco canse.