Génesis 28:20 - Cofán: Chiga Tevaen'jen

²⁰ Tse'ttinga tsu Jacobja ñoa'me su'chove afa: “Chiga ñai'ccu jacamba ña qquen jacan'choma coirapa angacamba jongoesu anqque'su toya'caen ondiccuqque'suma afesi

Génesis 28:20 Referans Kwoze

1 Timoteoga 6:8

Tsa'cansi ondiccu'jema aña'choma'qque an'bian'da gi avujatsse can'jen'faya'cho.

Juan 1:16

Tise ñoa'me osha'cho ñotssiaveyi tsonsi ingija ñotsse isu'fa. Nane isupa gi ti'tsse isu'fa.

Génesis 31:13

Ña gi quenga Betelni attian'cho Chiga. Nane tseni qui que asusupa ana'cho patuma ccutsiamba ñoa'me su'chove ñanga afa. Jangija, jinge jaye, quema isu'cho andeni.’–qquen tsu Chigama shondo'suja Chiga su'choma conda.”

Tson'fa'cho 18:18

Tsonsi Pabloja bo'tsse Corintoni can'jemba jaye ashaen. Jayipa fae'ngae in'jan'chondeccuma chigambiamba barconga otse Siria andeni jaye. Toya'caen Priscila, Aquila'qque Pabloi'ccu jaja'fa. Toya otsembi'te Cencrea canqqueni can'jemba Pabloja asettu'je'choma canjaeñe tise tosema cha'ttian.

1 Samuel 1:28

Tsa'caen afesi gi ccane'qque tisema Na'su Chiganga afe cuintsu paya'ngae tisema shondoye. Elíja tsama pañamba puntssamba Chigama iñajan.

1 Samuel 1:11

Iñajamba Na'sunga ñoa'me su'chove qquen afa: “Na'su Chiga, que qui Osha'choma Oshacho. Ña quema shondo'suma injan'jemba ñoa'me mende'yepa tsandie du'shuve ñanga afe'ninda gi tsamajan toequi quenga ccase afeya. Afesi tsu quema shondo'suve dapa canseya. Toya'caen tise tosema cha'ttumbe'yi tsu canseya'cho tiseja quembe qquen canjaeñe.”

Génesis 28:15

Ñanda gi quei'ccu can'jen. Coiraya gi que mani jacan'ni'qque. Toya'caen gi tsoña que ccase vani jiya'chove. Quenga su'choma nanimbiteja quema catiya'bi gi.”

Génesis 35:3

Junde tsu Betelni jaya'cho. Tseni japa gi Chiganga afe'je'chove ñoñamba ña vana'jensi fuite'su Chigama iñajaña. Nane tise tsu ña mani jacan'ni'qque ñama fuitepa angacan.