Génesis 26:3 - Cofán: Chiga Tevaen'jen

³ Ja'ñojan va andeni can'jenjan. Ñajan quei'ccu can'jemba gi quenga ñotsse tsoña. Nane pa'cco va andema gi quenga toya'caen que dushundeccunga'qque afeya. Tsa'caen gi tsoña que yaya Abrahamnga su'choma naniñe.

Génesis 26:3 Referans Kwoze

Génesis 28:15

Ñanda gi quei'ccu can'jen. Coiraya gi que mani jacan'ni'qque. Toya'caen gi tsoña que ccase vani jiya'chove. Quenga su'choma nanimbiteja quema catiya'bi gi.”

Salmos 105:9

Tsa injancco'fa'chomajan Abrahami'ccu afapa Isaacnga tansintsse su'choi'ccu ccase afa.

Génesis 20:1

Tsonsi Abraham tise can'jen'cho'ye sombopa Néguev andeni ja. Tseni japa Gerar canqqueni ca'nimba can'jen. Gerar tsu Cades canqque, Shur canqque enttingeni.

Génesis 17:8

Quenga, toya'caen poiyi'cco tsendeccunga gi pa'cco Canaán andema afeya. Nane que'i ja'ño can'jen'cho andema gi tsangae que'inga afepa tsangae que'i Chigave daya.

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

Génesis 13:17

Tsa'cansi jangipa pa'cco ande bia'sunga attaja'sunga'qque jacamba canjan ña quenga afe'cho andema.”

Génesis 13:15

Quenga gi afeya pa'cco que camba atte'cho andema. Tsangae qui queja, que omba'su dutssiyendeccu'qque va andema an'bian'faya.

Génesis 12:7

Abram tseni can'jensi tsu Na'su Chigaja tisenga attiamba su: “Va andema gi que dutssiyendeccunga afeya.” Tsa'caen tisenga attiamba susi Abramjan Na'su Chiganga afeye oque'je'chove tse'ttinga ccutsian.

Hebreo'su 11:9

Japa Chiga tisenga afeye qquen su'cho andeni can'jemba cca'indeccuni pasia'su jiqquia'caen can'jen. Carpa tsa'oi'ccu tsu cca'tti cca'tti jacan. Tise dutssi'ye Isaac'qque tsa'caen can'jensi tsambe dutssi'ye Jacob'qque tsa'caeñi omboen can'jen. Tsendeccu'qque “Chigaja va andema inginga afeya” qquen in'jamba tsa'caen avujatsse can'jen'fa.

Filipo'su 4:9

Que'ija tayo ña su'choma pañamba qui tsama atesu'fa. Tayo ña tson'choma attepa qui tsama in'jan'fa. Nane ña tsa'caen que'inga atesiansi atesu'ta ñotsse pañamba tson'faja. Ingima ñoqui'su Chiga tsu que'i'ccu can'jemba fuiteya.

Salmos 32:8

Qquen tsu Na'suja su: “Ñajan quema caña'jemba gi quema atesian'jeña. Nane quema in'jaemba gi candusiaña ma'caen canseya'chove.

Génesis 39:21

Na'su Chigaja Joséi'ccu can'jemba tisu ñotsse tsoña'chove canjaen'jen. Nane cuintsu picco'jeccuni'su na'su Joséma ñotsse in'jaña'chove Chigaja antte.

Génesis 39:2

Tsa'ma Na'su Chiga Joséi'ccu can'jensi tisema chava'su Egipto'sumbe tsaoni can'jen'an'qque ñotsse'yi can'jen.

Génesis 26:14

Tsain'bi oveja, vaura, semasundeccuma'qque an'biansi filisteondeccuja tise'pa injama'choni se'pi'fa.

Génesis 26:12

Tsa canqque'fa Isaacja tseni jomba ñotsse tai Na'su Chiga tisema ñotsse tsonsi.

Hebreo'su 6:17

Tsa'caen Chiga Quitsa'qque Tise in'jan'choma bove ñotsse canjaeñe in'jamba Tisuma iñajanqquia'caen “Ju, tsa'caen tsu” qquen ñoa'me su. Tsa'caen susi jai'ngae Chiga su'choma isuya'chondeccuja “Chigaja afopoembipa Tise su'choma cambiambe'yi tsu tsoña” qquen tsu in'jan'faya.

Génesis 25:11

Abraham tayo pasi Chigaja Isaacma ñotsse tson. Nane Isaacja “Chiga cansepa ñama atte” qquen inisecho'cho Lajairoi poso jin'ttini canse.

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 28:13

Toya'caen tsu atte Na'su Chiga tsai'ccu pporotsse ccutsupa qquen afa'je'choma: “Ña gi Na'su que yaya ccashe'ye Abrahambe Chiga. Toya'caen que yaya Isaacmbe Chiga. Quenga toya'caen que omba'su dushundeccunga gi que ja'ño ccui'cho andema afeya.

Génesis 31:3

Tsa'cansi Na'su Chigaja Jacobnga su: “Que yayandeccu andeni ccase jaja, que antiandeccu can'jeni. Ña gi fuitepa angaya.”

Génesis 35:12

Va ande tayo Abraham Isaacnga afe'cho andeveyi gi quenga'qque afeya. Toya'caen gi que omba'su dutssiyendeccunga'qque afeya.”

Génesis 48:21

Omboe Joséma su: —Que canjan, paye gi tson'jen. Tsa'ma Chiga tsu quei'ccu can'jemba toequi que tayopi'su coenzandeccu'ye canse'cho andeni angaya.

Génesis 50:24

Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.”

Deuteronomio 34:4

Canjaemba Na'suja tisema su: “Va tsu ña Abraham, Isaac, Jacobnga'qque tise'pa dushundeccunga afeye qquen tansintsse su'cho ande. In'jamba gi quema canjaen que ca'niñambia'qque tso'fei'ccu atteye.”

Génesis 17:19

Tsa'caen susi Chigaja su: —Tsa'ma Ñanda gi su que pushe Sarata tsu tsandie du'shuve isuya. Tsonsi qui inisiaña Isaacve. Tisei'ccu gi Ña quei'ccu injancco'fa'choma a'tatsse canjeña. Toya'caen tise dutssiyendeccui'ccu gi tsangae tsama canjeña.

Éxodo 2:24

tise tayopi Abraham, Isaac toya'caen Jacobi'ccu injancco'fa'choma in'jan.

Éxodo 3:12

Tsa'caen susi Chigaja su: —Ña gi quei'ccu can'jeña. Toya'caen va canjen'chota tsu ñoa'me ñotsse canjaemba quema manda'cho: Maqui a'ta queja, ña aindeccuma Egipto'ye somboen'da qui que'i poiyi'cco va'ttinga jipa ñama iñajan'faya.

Números 23:19

Chigaja ingi a'ia'cambipa afopoembi ni cambiaña'bi. Nane tise ma'caen su'ta tsu tsa'caen tsoña. Tise ñoa'me tsoña qquen su'ta tsu tsa'caen tson.

Salmos 105:8

Nane tise su'choja ñoa'me su'chosi tsu mapán mil a'i canse'cho'ye pasa'ni'qque toya tise a'i'ccu injancco'fa'choma aqque'paya'bi.