Génesis 26:22 - Cofán: Chiga Tevaen'jen

²² Tsa'caen tsincon'fasi Isaacja tse'ttie sombopa biani japa faesu posove dyan'dya. Tsa posonejan iyicco'fambisi “Se'piccombi'choa” qquen inisian. Tsa'caen inisiamba su: “Ja'ño tsu Na'su Chigaja antte ingi se'piccombe va andeni cansepa ti'tsse'tssia've daye.”

Génesis 26:22 Referans Kwoze

Éxodo 1:7

Tsa'ma israendeccuja tsain'bio dushundeccuve an'biamba ñoa'me ti'tsse tsain'bitsse atapapa ti'tsse joccapitssia've da'fa. Nane tsa Egipto ande on'batsse tsu atapa'fa.

Génesis 17:6

Ñoñaña gi que dutssiyendeccu tsain'bitsse atapa'faya'chove. Nane tise'pa'ye tsu nasundeccuja sombopa tsain'bio andema manda'faya.

Salmos 118:5

Ñombi'yepa gi Na'suma afasi tiseja ñama pañamba fettaqquia'caen ccushaen.

Génesis 41:52

Faesuve isusi “Chiga anttesi gi ña vana'jen'cho andeni du'shuve an'bian” qquen supa tisema inisian Efraínme.

Génesis 28:3

Chiga Osha'choma Oshacho'cho quenga ñotsse tsonsi qui tsain'bio omba'su dushundeccuve atapoeña. Nane que'ye tsu tsain'bio aindeccu atapapa fae naccuve da'faya.

Génesis 26:21

Tsa'caen tsomba omboe tise'be semasundeccuja faesu posove dyan'dya'fa. Tsane'qque ccase iyicco'fasi Isaacja tsa posoma inisian “Iyicco'cho.”

Isaías 54:2

Que carpama ti'tsse attajatsse ccutsiamba dyombipa que cuarto'su sarupama ti'tsse randeve dusianjan. Nane carpa tandan'jen'choma biañaemba tandañe dyaiña'jen'choma'qque ta'ya've dyaiñajan.

Isaías 54:3

Tansinfanga, pavefanga'qque attajaensi tsu que dutssiyendeccu faesu aindeccuma joqquitssiamba tsa tise'pa canqque catiye'choni can'jen'faya.