Génesis 25:19 - Cofán: Chiga Tevaen'jen

¹⁹ Va tsu Abraham dutssi'ye Isaacne condase'cho.

Génesis 25:19 Referans Kwoze

Mateo 1:2

Abrahamjan Isaac quitsa tsu. Isaacja Jacob quitsa. Tiseja Judá quitsa. Judá antiandeccu'qque tsu Jacob dushundeccu.

Lucas 3:34

Tsaja Jacob dutssi'ye. Tsaja Isaac dutssi'ye. Tsaja Abraham dutssi'ye. Tsaja Taré dutssi'ye. Tsaja Nacor dutssi'ye.

Tson'fa'cho 7:8

Qquen supa Chigaja fae'ngae injancco'faya'chone Abrahamnga afa. Qquen afapa ttonoma chhiyitevaemba canjaeña'chove conda. Tsa'caen paña'chopa Abrahamjan tise dutssi'ye Isaacma isusi ocho a'tangae ttonoma chhiyitevaen. Toya'caen Isaac'qque coemba tise dutssi'ye Jacobma isusi tsa'caeñi tson. Jacob'qque coemba tsa'caeñi tson tise doce dutssiyendeccuma. Tsa doce tsu ingi tayopi'su israe'su ccasheyendeccu.

Génesis 25:20

Isaac cuarenta canqque'fave an'biamba Rebecama pushe, Betuel onque'nge tsa Labán que'ttema. Tsendeccuja arameondeccu, Padan-aramni cansesundeccu.

Génesis 21:3

Sara isusi Abraham tise dutssi'yema attepa Isaacve inisian.