Génesis 24:12 - Cofán: Chiga Tevaen'jen

¹² Manda ccuiñamba Chigama iñajan: “Na'su Chiga, ña na'su Abraham Chiga, ja'ño ñama fuitepa na'su Abrahamma ñotsse tsonjan.

Génesis 24:12 Referans Kwoze

Génesis 24:27

qquen supa: “Ñoa'me ñotssi qui Na'su ña na'su Chiga. Nane queja que suqquia'caen qui ña na'sunga ñotsse tson. Ñotsse tsomba qui tansintsse ñama i tise antian tsaoni.”

2 Reyes 2:14

Tseni ccutsupa tsa sarupai'ccu na'ema ma'ppipa su: “Na'su Chiga, ¿Elíasma oshaenqquia'caen ti qui ñama'qque oshaen'jen?” Tse'faei'ccuyi tsa'ccuja attufapa san'ame da. Tsa'caen dasi Eliseoja tsa'ye toequi ise.

Éxodo 3:15

Toya'caen Chigaja Moisésnga su: —Toya'caen israendeccungaja qquen suja: ‘Na'su Chiga Quitsa que'i tayopi'su coenzandeccumbe Chiga, nane Abraham, Isaac toya'caen Jacobmbe Chiga tsu que'ini ñama moe.’ Tsangae tsu tsa ña iniseja jinchoya. Nane tsangae tsu a'ija tsesu qquen ñama injan'jen'faya.

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 24:48

Afepa gi ccaru dyaipa Na'su Chigama iñajan. Nane ña na'su Abraham Na'su Chiga Quitsama gi ñotsse afa tise ñama isi tansintsse ña na'su antiandeccunga jipa tsa'su pushesuma tise dutssi'yembe angaya'pa.

Génesis 24:42

“Tsa'caen susi jipa gi ja'ño a'ta posonga nepipa Na'su Chiga, tsa ña na'su Abraham Chigama qquen iñajan: ‘Ñoa'me ñama fuitepa ñotsse i'ta

Filipo'su 4:6

Tsa'camba panshaen asi'ttaemba dyojo'fajama. Tsa'ma osha'cho que'i asi'ttaemba in'jan'choma Chiganga conda'faja. Chigama iñajan'jemba Tiseja tayo que in'janqquia'caen tson qquen in'jamba “Chigatsuafepoenján” qquen afa'faja.

Mateo 22:32

“Ña gi Abraham, Isaac, Jacobmbe Chiga.” Nane Na'su Chigaja pa'chombe Chigambi tsu. Tsa'ma cansendeccumbe Chiga tsu.

Proverbios 3:6

Jongoesuma tsoñe in'jan'da o'tie Na'suma in'janjan. Tiseja que tsaiquima tansianqquia'caen quema fuiteya ñotsse tansintsse in'jamba canseye.

Salmos 118:25

Chigáne, Na'su, ¡Ingima ccushaenjan! Chigáne, Na'su, ¡Ingima fuiteja ñotsse canseye!

Salmos 37:5

Tisu canse'choma Na'sunga antteja. Nane tisenga osha'choma anttesi tiseja quema fuitepa tsoña.

Nehemías 2:4

—¿Ma'caen gi quenga tsoña? Tsa'caen susi gi injama'choi'ccu sefacconi'su Chigama iñajamba

Nehemías 1:11

Chigáne Na'su, ña quema iñajansi, toya'caen quema shondosundeccu iñajansi, pañamba tsa'caen tsonjan. Nane avujatsse gi quema ñotsse afa'je'fa. Toya'caen ña na'suni japa iñajansi tisema in'jaenjan cuintsu ñame in'jamba ña iñajan'choma afeye.”

1 Reyes 18:36

Tsonsi Chiganga afeya'cho hora nepisi Chiga aya'fama afa'su Elíasja catsepa quian'me su: “Na'su Chiga, Abram, Isaac toya'caen Israel Chiga, ja'ño a'ta canjaenjan cuintsu poiyi'cco atesu'faye queja ñoa'me Israel Chigave. Toya'caen canjaenjan cuintsu atesu'faye ñajan quema shondo'supa que mandasi ja'ño que suqquia'caen vama tson'jen'chove.

Génesis 43:14

Tsa Chiga Osha'choma Oshacho'cho tsu tisema in'jaeña cuintsu que'ima mendeyepa faesu que'i antian Simeónma fettapa Benjamínma'qque mingae tsombe'yi antteye. Ñajan, mapán du'shu me'ccoe da'a'qque cuin'qque gi tsa'caen me'ccoe daya.

Génesis 32:9

Tsa'caen tsomba Chigama iñajañe ashaemba qquen su: “Na'su Chiga, ña yaya ccashe'ye Abraham, ña yaya Isaacmbe Chiga qui. Que qui ñama su ña toequi tisu andeni, tisu antiandeccuni ja'ni'qque queja ñama ñotsse tson'jeña.

Génesis 31:42

Nane Abraham Chiga, tsa ña yaya Isaac iñajan'jen'cho Chiga ñai'ccu can'jembiecan'da qui ñama itsapa me'ccoe moeñe'can. Tsa'ma Chiga tsu ña ñombi'ye'cho, ña ñotsse sema'choma'qque attepa ja'ño cose quema tsa'caen iyu'u.

Génesis 28:13

Toya'caen tsu atte Na'su Chiga tsai'ccu pporotsse ccutsupa qquen afa'je'choma: “Ña gi Na'su que yaya ccashe'ye Abrahambe Chiga. Toya'caen que yaya Isaacmbe Chiga. Quenga toya'caen que omba'su dushundeccunga gi que ja'ño ccui'cho andema afeya.

Génesis 27:20

Tsonsi Isaacja iñajampaña: —¿Ma'caen qui jundeyi cachuipa panzapa ji, jaricho? Jacobja su: —Na'su que Chiga ñama fuitesi gi junde panza.

Génesis 27:10

Que qui ña sho'ccoen'choma angaya cuintsu amba quenga ñotsse tsoña'chove afaye toya tise pambi'te.

Génesis 15:1

Tsama omboe Na'su Chigaja Abramnga attiamba tisema su: —Dyombe canjan Abram. Ña gi quema fuite'su. Ña quenga afeya'choja ñoa'me injan'tssiya tsu.

Génesis 24:21

Rebeca tsa'caen tsonsi coenza shondo'suja can'boen ccutsupa afambe'yi asi'ttaen Na'su Chiga ñoa'me tisema pañamba tsa'caen antte qquen in'jamba.

Génesis 32:10

Ñajan ñotssimbi'ma qui anttembe'yi ñama tsa'caen in'jamba ñotsse tson. Ñajan vane jayipa Jordán na'ema fae accuicco'choi'ccuyi gi ise'a. Tsa'ma ja'ñojan tsain'bio a'i dos naccuve gi an'bian.