Génesis 22:1 - Cofán: Chiga Tevaen'jen

¹ Omboe Chigaja Abraham tise've in'jan'chove atesuye in'jamba mandacan. Tsa'caen in'jamba tise inisei'ccu tisema ttu'sesi Abrahamjan su: —Vani gi can'jen.

Génesis 22:1 Referans Kwoze

Hebreo'su 11:17

Chigaja Abraham Tisema ñoa'me paña qquen atesuye in'jamba Abrahamma manda cuintsu tise dutssi'ye Isaacma fi'ttipa Tisenga afeye. Mingae tson'me'se qquen in'jamba aqquia mandasi Abrahamjan Chigave in'jamba paña. Tsa'caen pañamba Chiganga afeya'chove Isaacma fi'ttiye anga. Nane Chigaja tayoe Isaacne Abrahamnga su: “Isaacyi tsu que dutssi'ye. Tisei'ccu gi que omba'su dutssiyendeccuve atapoeña.” Qquen su'a'qque Chiga ccase afapa Isaacma fi'ttipa Tisenga afeye mandasi Abrahamjan se'pimbe'yi afepa fi'ttiye anga.

Deuteronomio 8:2

Ñotsse injan'jen'faja Na'su, que'i Chiga, cuarenta canqque'fave que'ima a'i menia angacan'choma. Nane atesucañe in'jamba que'ima vanaemba opatssia've tson que'i injama'choma atesuye. Ñoa'me tsu atesuye in'jan que'i tise manda'choma paña'chove tsambi'ta pañambi'choa've.

1 Pedro 1:7

Vanaña'cho tsu que'i Chigave in'jan'choma canjaeñe. Nane corija sefaqque'su. Tsa'ma si'ngei'ccu oquepa tsu ñotssia corive atesuya'cho. Que'i Chigave in'jan'cho tsu corima ti'tsse'tsse barepa vanaña'choi'ccu canjaeña'cho ñotssiave. Tsa'caen que'i in'jan'cho ñotssiave canjae'ninda qui ti'tsse'tssia've da'faya Jesucristo jisi. Nane Jesucristoja que'ima ñotsse afapa joccapitssia've tsoña.

Santiago 2:21

Nane Ingi tayopi'su ccashe'ye Abraham tise dutssi'ye Isaacma si'nge oque'chonga Chiganga afeye tson'jensi Chigaja Abrahamma su: “Ño'a qui.”

1 Corinto'su 10:13

Que'ija egae tsoñe in'jan'da qui poiyi'cco a'i'ccu fae'ngatssi'fa. Ccaninga'fambi qui. Tsa'ma Chigaja ño'a. Tiseja antteya'bi cuintsu que'i panshaen egae tsoñe in'jamba egae tsincoñe'da. Nane egae tsincoñe in'jan'ninda que'ima tsu fuiteya que'i in'jan'cho'ye somboemba ccushaeñe.

Éxodo 3:4

Na'su Chigaja tsa'caen Moisés cañe in'jamba catse ji'choma attepa tsa quini'si'ye afapa su: —¡Moisés! ¡Moisés! Pañamba Moisésja su: —Va'tti gi can'jen.

Génesis 22:11

Tsa'ma tse'faei'ccuyi Na'su Chigama sefacconi'su shondo'su sefaccone ttu'sepa su: —¡Abraham! ¡Abraham! —Vani gi can'jen, —qquen tsu Abrahamjan su.

Génesis 22:7

Japa Isaacja tise yayama iñajampaña: —¡Yaya! Abrahamjan su: —¿Jongoesie qui in'jan ña dutssi'ye? Isaacja su: —Que canjan, si'tsi, si'ngema'qque gi an'bian'fa. Tsa'ma, ¿mani tsu oveja du'shu ingi oquepa Chiganga afeye?

Isaías 6:8

Tsonsi gi paña Na'su Chiga aya'fa qquen su'choma: “¿Majama gi moeña? ¿Majan tsu ingine afa'suve dapa jaya?” Pañamba gi su: “Ña gi can'jen. Ñama moejan.”

Éxodo 16:4

Tsonsi Na'su Chigaja Moisésnga su: —Unjin tuiqquia'caen gi sefacconi'su aña'cho nama amppiañe tson'jen cuintsu an'faye. Aindeccuta tsu poi a'ta japa tsequi a'tane'ñi tai'je'faya'cho. Atesuye gi in'jan majan ñama paña'faya'chove toya'caen majan me'inchoa've.

Jueces 2:22

Na'suja tsa'caen antte israendeccu tsendeccui'ccu fae'ngae can'jemba ma'caen tsoña'choma atesuye; nane tise'pa tayopisundeqquia'caen Na'su Chigama pañañe, tsambi'ta pañambi'choave atesuye.

Génesis 15:1

Tsama omboe Na'su Chigaja Abramnga attiamba tisema su: —Dyombe canjan Abram. Ña gi quema fuite'su. Ña quenga afeya'choja ñoa'me injan'tssiya tsu.

Génesis 21:11

Tsama pañamba Abrahamjan ñoa'me ñombi'ye. Nane Ismael'qque tise dutssi'ye tsu.

Génesis 37:13

Tsa'caen japa canjen'fasi Israelja Joséma su: —Que canjan, que quindyandeccuta tsu Siquemni oveja coira'su japa can'jen'fa. In'jan gi que japa can'gaye. Joséja su: —Ju, avujatsse gi jaya.

Génesis 46:2

Tsa'caen afepa ana'jensi Chigaja tisenga attiamba condase. Nane Jacob inisema afasi Jacobja su: —Va'tti gi.

1 Samuel 3:4

Na'su Chigaja Samuelma ttu'sepa su: —¡Samuel! Ttu'se'choma pañamba Samuelja su: —¡Va'tti gi can'jen!