Génesis 2:7 - Cofán: Chiga Tevaen'jen

⁷ Tsa'caen tssipoensi Na'su Chigaja andema mandyiccoemba a'ive ñoña. Ñoñamba tsofatunga tise qquendya'pama ufapa tisema qquendyaen. Tsa'caen qquendyaen a'imajan.

Génesis 2:7 Referans Kwoze

1 Corinto'su 15:45

Nane tsa'caen tsu Chiga Tevaen'jen su: “Chigaja me'ttia'ye a'ive agattoemba Tise agattoen'cho a'i Adáma qquendyaensi Adánjan canse.” Tsa'ma osefapa'su Adán –tsaja Jesucristo tsu– cansepa cca'ima qquendyaen'su tsu.

Tson'fa'cho 17:25

Tiseja osha'choma oshachosi a'ija Tisema fuiteye osha'fambi. Nane Tiseja osha'choma inginga afe'su tsu, ingi canse'pa, ingi qquendya'pama'qque.

1 Corinto'su 15:47

Tseyi agattoen'cho a'ija va ande'su tsu. Va andema ñoña'cho tsu. Tsa'ma omba'su a'ija sefacconi'su –ingi Na'su tsu.

Génesis 3:19

Poipa'sui'ccu quian'me semamba qui que cui'ccuma cu'i'faya. Nane papa queve ñoña'cho andeve ccase daya'ngae qui tsa'caen vana'jeña. Nane andema ñoña'chopa qui ccase andeve daya.

Génesis 7:22

Pa'cco va andeni cansian jincho'cho tsu pa'fa.

Zacarías 12:1

Va tsu Na'su Chiga Israelne su'cho. Nane Na'suja sefaccove attajaenqquia'caen agattoemba andeve'qque ccuiñaqquia'caen agattoen. Toya'caen tise qquendya'pai'ccu a'ima qquendyaemba cansian. Tsa agattoemba cansian'su tsu tansintsse qquen conda:

Salmos 103:14

Ande'su ccuttopa'sima agattoen'chove in'jamba ingija aqquia ñoña'cho qquen atesupa in'jan.

Romanos 9:20

Que'i tsa'caen asi'ttaemba iñajampaña'da ¿majan qui queja? Queja aqquia a'i. ¿Ma'caen qui Chigai'ccu afacco'fa? ¿Apichata ti afaye osha apive pipi'suma: “¿Ma'caen qui qquenjan ñama pi'pi?” qquen suye'ta?

Génesis 3:23

Tsa'caen asi'ttaemba Na'su Chigaja a'ima Edéni'su jombachoqquie tteyamañamba manda tise've ñoñaqque'su andema semañe.

Hebreo'su 12:9

Toya'caen va andeni cansepa gi ingi yayandeccuma ñotsse in'jamba paña'fa. Ingima nafattaiamba iyu'upa vanaensi gi pañamba tise'pama ti'tsse ñotsse in'jan'fa. Tsa'caen tise'pama pañasi ingi sefacconi'su Yaya ingima nafattia'ninda gi ti'tsse Tisema pañamba ñotsse in'jan'faya'cho. Tsayita gi ñoa'me canseye ashaen'faya.

Números 16:22

Tsa'ma Moisés Aarón'qque andenga puntssan ccuipa qquen su'fa: —Chiga Quitsa, que qui poi aindeccuma cansian'su. ¿Tsa'caen ti qui fae a'i egae tsincon'chone poi aindeccuma iyicca'yeya?

2 Corinto'su 5:1

In'jan'fa gi tsaoni canseqquia'caen va andeni can'jemba ai'voi'ccu gi canse'fa. Tsa'ma va ai'vo pasi sefani japa cuna bove ñotssia tsa'oma an'bianqquia'caen gi cuna ai'voma an'bian'faya. Tsaja a'i ñoñambi'choa tsu. Tsa'ma Chigaja tsama ñoña ingi tsangae an'biaña'chove.

2 Corinto'su 4:7

Ñoa'me ñotssiama doqque'su apini an'bianqquia'caen paqque'su ai'voni gi va ñotsse in'jan'choma an'bian'fa. Tsa'caen an'biamba osha'choma oshachosi tsu cca'indeccuja in'jan'fa ñoa'me Chiga Quitsa ingima quiñaensi gi tsa'caen canjaen'jen'fa. Ingi tisuyi oshambisi Chigaja ingi'ccu osha'choma oshacho.

Juan 20:22

Tsa'caen supa inginga tise qquendya'pama ufapa su: —Chiga Ñotssia Qquendya'pama isu'faja.

1 Timoteoga 2:13

Nane tayopi Chigaja o'tie Adánma agattoemba omboe Evama agattoen.

Génesis 2:6

Tsa'ma ccuttopa'si ande'ye sombopa ansundepa surunome dapa pa'cco andema tssipoen.

Génesis 1:27

Chigaja tisu'caeñi a'ive agattoen. Nane Chiga'caeñi tsu Chigaja a'ive agattoen. Tsandie, pushesuve tsu a'ive agattoen.