Génesis 2:4 - Cofán: Chiga Tevaen'jen

⁴ Qquen tsu Chiga agattoen'choja, ma'caen tiseja ande sefaccoma'qque agattoen: Na'su Chiga tsa'caen ande, sefaccove'qque agattointeja

Génesis 2:4 Referans Kwoze

Génesis 5:1

Va tsu Adán omba'su dutssiyendeccumbe inisema tevaen'cho. Chigaja a'ima agattoemba tsu tisia'caen agattoen.

Canjaen'cho 1:8

“Ña gi Ashaen'su toya'caen Nani'su.” Qquen tsu na'suja su. “Aisheve can'jemba gi ja'ño'qque can'jen. Tsangae gi can'jeña. Ña gi osha'choma ti'tsse'tssia.”

1 Reyes 18:39

Tsama attepa poiyi'cco a'i camba'jui'ccu andenga puntssamba su'fa: “¡Na'suja ñoa'me Chiga tsu! ¡Na'suja ñoa'me Chiga tsu!”

Génesis 36:1

Vandeccu tsu Esaú omba'su dushundeccu. Nane Esaú faesu inise tsu Edom.

Génesis 1:31

Chigaja osha'choma attepa avujatssi. Cosepa a'tasi sexto a'ta tsu.

Génesis 1:4

Pa'cco a'tatssia've dapa ñotssisi Chigaja attepa in'jamba avujatssi. Avujatssipa Chigaja a'tatssia'ma attufaen sinttia'ye.

Génesis 36:9

Vandeccu tsu Esaú omba'su dushundeccu ccotta'cco'su Seir andeni cansesundeccu. Esaú omba'su dushundeccuma tsu inisian'fa edomitandeccuve.

Génesis 25:19

Va tsu Abraham dutssi'ye Isaacne condase'cho.

Génesis 25:12

Vandeccu tsu Ismael dushundeccu, tsa Abraham Sarambe egipto'su sema'su Agarnga du'sian'chombe dushundeccu.

Génesis 11:10

Qquen tsu Sem dutssiyendeccu: Na'en andema piccopa sambasi dos canqque'fa pasasi Semjan cien canqque'fave an'bian'ni tsu tise dutssi'ye Arfaxadve isu.

Génesis 10:1

Va tsu Noé dutssiyendeccu Sem, Cam, Jafet omba'su dutssiyendeccu. Na'en andema piccopa sambasi vandeccuma isu'fasi canse'fa.

Génesis 1:28

Agattoemba tise'pama ñotsse afapa su: “Ñotsse canse'pa atapa'faja cuintsu pa'cco ande on'batssiye. Nane pa'cco andeni can'jemba osha'choma patsupa manda'faja. Na'en'su avu, sefani'su chhiriria, osha'cho andeni canseqque'suma'qque patsupa manda'faja.”

Génesis 1:1

Me'ttia'ye Chigaja sefacco, andeve'qque agattoen.

Canjaen'cho 16:5

Tsonsi tsa'ccu na'su sefacconi'su shondo'suja su: Ño'a Na'su, que tsa'caen in'jamba vanañe mandapa qui ñotsse tson. Queja tayoe ño'amba ja'ño'qque qui ño'a.

Canjaen'cho 11:17

qquen supa: Na'su, queja osha'choma oshacho. Tayopi jinchopa ja'ño'qque qui jincho. Tsangae qui jinchoya. Nane osha'choma oshachopa qui ja'ño tsama canjaemba Na'suve da. Na'suve dapa mandasi gi quema ñotsse afa'fa.

Canjaen'cho 1:4

Ña, Juan gi Asia andeni'su siete Jesúsve in'jamba bo'fa'chonga tevaen'jen: “Opatsse qui canse'faya. Ña gi que'ima ccushaeña.” qquen tsu tsa Meite Jinchopa, Ja'ño'qque Jincho'chopa, Tsangae Jinchoya'choja que'ima chigambian. Toya'caen tsa Chigambe dyaipa'cho jini can'jen'cho siete qquendya'pa'qque tsa'caen que'ima chigambian'fa.

Génesis 1:3

Tsa'caen ñoñamba Chigaja su: “A'tatssia've daja.” Chiga tsa'caen su'ninda pa'cco a'tatssia've da.

Génesis 2:3

Tsa'camba “Septimo a'taja ña ñotssi a'ta tsu” qquen supa Chigaja “Tsa a'taja sema'ma'quia a'ta tsu” qquen su. Nane tsequi a'ta Chigaja osha'cho agattoen'cho sema'bama nanimba ño'fapa tsa'caen su.

Job 38:4

Ñajan va andema agattoensi ¿mani qui can'jen? ¡Ñoa'me atesu'cho'ta ñanga condaja!